নলবাৰী জিলাৰ বিভিন্ন প্ৰান্তত প্ৰচণ্ড খৰাঙে দহিছে খেতিপথাৰ৷ইটোৰ পিচত সিটো বিপদে লগ নেৰা দুৰ্ভগীয়া কৃষক সকলে এতিয়া আকাশৰ ফালে চাই বৰষুণ মাগিছে বৰুন দেৱতাক৷দুৰ্ভাগ্যজনক কথা যে জিলাখনৰ বিভিন্ন প্ৰান্তত কৃষকৰ উপকাৰত অহাকৈ সৌৰশক্তি চালিত পাম্প বহুৱাই খেতিপথাৰত পানী যোগান ধৰাৰ ব্যৱস্থা কৰিছিল৷কিন্তু সেইসকলৰ বেচি ভাগে বৰ্তমান বিকল হৈ আছে৷ইয়াৰ ভিতৰত দেহাৰকুছিত থকা দুটা সৌৰশক্তিৰ পানী যোগান প্ৰকল্প স্থাপনৰ পিচৰে পৰা এদিনো পথাৰত পানী দিৱ পৰা নাই৷সেয়েহে দুৰ্ভগীয়া কৃষকে কৈছে যে কেৱল প্ৰদৰ্শনৰ বাবে এনেকুৱা আচনি লৈ ৰাইজক ঠগোৱাটো দুৰ্ভাগ্যৰ কথা৷এনেকুৱা ঠিকাদাৰ পোহা আচনি বাদ দিয়াৰ বাবেও জলসিঞ্চন বিভাগক দাবী জনাইছে কৃষক সকলে৷