GMCH ত সক্ৰিয় শিশু চুৰি চক্ৰ। শিশু চুৰি চক্ৰৰ সৈতে জড়িত দুগৰাকী মহিলাক আটক। আটকাধীন মহিলা দুগৰাকীয়ে গুৱাহাটী চিকিৎসা মহাবিদ্যালয়ত দীৰ্ঘদিনৰ পৰাই বাহৰ পাতি আছিল। তেওঁলোকে তেজপুৰৰ এগৰাকী গৰ্ভৱতী মহিলাৰ সৈতে এটি শিশু বিক্ৰীৰ চুক্তি কৰিছিল। ৫০০০ টকাত চুক্তি হৈছিল শিশু বিক্ৰীৰ প্ৰক্ৰিয়া। GMCH ৰ কৰ্তৃপক্ষৰ তৎপৰতাত ধৰা পৰে দুই মহিলা। বয়সীয়াল মহিলা দুগৰাকী আহিছিল ৰোগী ৰখীয়া হিচাপে। এনে একাংশ ৰখীয়াই বিভাগত অপৰাধ কৰাৰ সন্দেহ। কিন্তু শিশুটি চুৰ কৰিবলৈ চেষ্টা কৰোতেই জি এম চি এইছৰ নিৰাপত্তাৰক্ষীয়ে হাতে লুটে ধৰা পেলাই।ধৃত মহিলা দুগৰাকী প্রমিলা ডেকা আৰু বিজিতা দাস। গৰ্ভৱতী মহিলা গৰাকীৰ নাম মইনা বৰা। গৰ্ভৱতী মহিলা গৰাকীৰ স্বামী বিহাৰত শ্ৰমিক হিচাপে কৰ্মৰত।সমগ্ৰ ঘটনা সন্দৰ্ভত ভঙাগড় আৰক্ষী থানাত জি এম চি এইছ কৰ্তৃপক্ষই এজাহাৰ দাখিল কৰে।