কাজিৰঙাত এটুপি বিশুদ্ধ খোৱাপানীৰ বাবে হাহাকাৰ ৰাইজৰ।বোকাখাত সমষ্টিৰ অন্তৰ্গত পশ্চিম কাজিৰঙা গাওঁ পঞ্চায়তৰ অধীনৰ হালোৱা এন চি গাৱৰ ৭ নং ৱাৰ্ডৰ লোকসকলৰ খোৱাপানীৰ উৎস হৈছে পাহাৰৰ পৰা বৈ অহা এটা জুৰীৰ পানী। লেতেৰা, অপৰিষ্কাৰ পানী সেৱন কৰিয়েই দিন অতিবাহিত কৰিব লগা হৈছে লোকসকলে।যি সময়ত জল জীৱন মিচন আচনিৰ জৰিয়তে ৰাজ্যত বিশুদ্ধ খোৱাপানী যোগান ধৰাৰ ব্যৱস্থা গ্ৰহণ কৰিছে চৰকাৰে তেনে সময়তে অঞ্চলটোৰ এই পৰিবেশে উন্মোচন কৰিছে আচনিৰ সাৰ্থকতা।