આ દરમિયાન આસપાસના લોકો એકઠા થઈ ગયા હતા. અનિલ દિવાકરની પત્ની મંગળા રડી રહી હતી, જેના કારણે ફરિયાદીએ તેને કંઈ પૂછ્યું ન હતું. 108ના તબીબે યુવકને મૃત જાહેર કરી પોલીસને બોલાવી હતી, જ્યાં અનિલની પત્ની મંગળાને પૂછતાં તેણીએ જણાવ્યું હતું કે, અનિલે ઉપરના રૂમની બારીમાં ચાદર લટકાવીને આત્મહત્યા કરી છે. જ્યારે પોલીસ ઉપરના માળે રૂમમાં ગઈ તો તેમને બારી પર એક ચાદર પડેલી મળી. જે બાદ પોલીસે મૃતદેહને પોસ્ટમોર્ટમ માટે મોકલી આપ્યો હતો.

બાદમાં પરિવારજનોએ યુવકના અંતિમ સંસ્કાર કર્યા હતા. જ્યારે સુનીલ દિવાકર તેના નાના ભાઈના અંતિમ સંસ્કાર કરીને ઘરે આવ્યો ત્યારે ચાલીમાં રહેતા સની કશ્યપ અને મદનસિંહ રાજપૂતે જણાવ્યું કે 22 ઓગસ્ટની રાત્રે અમે ચાલીના બ્લોક પર ઉભા હતા ત્યારે અનિલ પણ ત્યાં બેઠો હતો. . ત્યારે તેની પત્ની મંગળા બૂમો પાડતી ત્યાં આવી હતી અને અનિલને ‘આજ તો તુઝે પૂરી કરુંગા’ કહીને થપ્પડ મારી હતી અને ધક્કો મારીને ઘરે લઈ ગઈ હતી.

બાદમાં ફરિયાદીએ પોલીસને જાણ કરી હતી કે તેની ભાભીએ તેના ભાઈએ આત્મહત્યા કરી હોવાનું ખોટું નિવેદન આપ્યું હતું. પોલીસ સ્ટેશને પહોંચતાં ફરિયાદીને ખબર પડી કે નાના ભાઈ અનિલનું ગળું દબાવવાથી મૃત્યુ થયું છે. પીએમ રિપોર્ટમાં તેના શરીર પર ઈજાના નિશાન જોવા મળ્યા હતા. રાત્રે ઝઘડો થતાં ભાઈની પત્નીએ ભાઈની હત્યા કર્યાનું ધ્યાને આવતાં આ કેસમાં ભાઈની પત્નીએ કૃષ્ણનગર પોલીસ સ્ટેશનમાં ફરિયાદ નોંધાવી છે.