ধেমাজি, ২৭ জুলাই: ভাৰত চৰকাৰে উদযাপন কৰি থকা আজাদী কা অমৃত মহোৎসৱৰ স’তে সংগতি ৰাখি উত্তৰ ধেমাজি গাওঁ পঞ্চায়তৰ উদ্যোগত কৃষকসকলক অধিক স্বাৱলম্বী হ’ব পৰাকৈ চৰকাৰে আগবঢ়োৱা পি এম কিষাণ সন্মান নিধিৰ হিতাধিকাৰীসকলৰ সমস্যাৰ প্ৰতি লক্ষ্য ৰাখি সমস্যাবোৰ দূৰ কৰাৰ মানসেৰে বুধবাৰে গাওঁ পঞ্চায়ত কাৰ্যালয়ৰ সভা কক্ষত এক বিশেষ গাওঁ সভাৰ যোগেদি ই-কে ৱাই চি ফিংগাৰিং ব্যৱস্থা গ্ৰহণ কৰা হয় লগতে সাম্প্ৰতিক সময়ত আধাৰ কাৰ্ডৰ প্ৰয়োজনীয়তা আৰু চৰকাৰৰ প্ৰতিটো কামতেই আধাৰ লিংকৰ প্ৰয়োজনীয়তাৰ কথা সভাত উপস্থিত ৰাইজক অৱগত কৰা হয় ৷ সভাতেই আগন্তুক দিনত চৰকাৰী আৱাস গৃহকে ধৰি জব্ কাৰ্ড,ইন্দিৰা মিৰি পেঞ্চন আঁচনি,অৰুনোদয়,বিকলাংগ পেঞ্চনৰ সকলো হিতাধিকাৰীয়ে এতিয়াৰেপৰা আধাৰ নম্বৰ সংলগ্ন কৰাটো বাধ্যতামূলক হোৱা বুলি ৰাইজক অৱগত কৰা হয়৷