সংগ্ৰামী যুৱ-ছাত্ৰ পৰিষদ, অসমৰ ষষ্ঠ বাৰ্ষিক প্ৰতিষ্ঠা দিৱস আজি পৰিষদৰ গোলাঘাট জিলা সমিতিৰ সৌজন্যত আৰু নুমলীগড় আঞ্চলিক সমিতিৰ উদ্যোগত অনুষ্ঠিত কৰা হয়। প্ৰতিষ্ঠা দিৱসৰ লগত সংগতি ৰাখি তেলগৰম ৰংগমঞ্চ অনুষ্ঠিত কাৰ্যসূচী অনুসৰি পুৱা বিভিন্ন অনুষ্ঠান অনুষ্ঠিত কৰা হয়। পুৱাৰ বিভিন্ন কাৰ্যসূচীৰ অন্তত সংগ্ৰামী যুৱ-ছাত্ৰ পৰিষদ, অসমৰ কেন্দ্ৰীয় সমিতিৰ সভাপতি দেৱজিৎ দত্তৰ সভাপতিত্বত মুকলি সভা অনুষ্ঠিত কৰা হয়। বিশিষ্ট পৰিৱেশকৰ্মী , সাংবাদিক তথা জননী লাইভৰ মুখ্য সম্পাদক অপূৰ্ব বল্লভ গোস্বামীয়ে উদ্বোধন কৰা সভাত বিশিষ্ট সাংবাদিক উৎপল বৰাক সম্বৰ্ধনা জ্ঞাপন কৰে। সভাত স্মৃতিগ্ৰন্থ ‘সংগ্ৰাম’ উন্মোচন কৰা হয় । ইয়াৰ পিছতেই  বিশিষ্ট সাহিত্যিক অৰুণ গোস্বামীক সংগঠনটোৰ প্ৰদত্ত সাহিত্যৰথী লক্ষ্মীনাথ বেজবৰুৱা সাহিত্যিক বঁটা প্ৰদান কৰা হয়।