গোলাঘাট জিলাৰ নুমলীগড়ত আজি গোলাঘাট জিলা অতিৰিক্ত আৰক্ষী অধীক্ষক অঞ্জন পণ্ডিতৰ নেতৃত্বত অহা আৰক্ষীৰ দলে এটা পিষ্টল সহ তিনিজন লোকক আটক কৰে।
এক নিৰ্ভৰযোগ্য গোপন খবৰৰ পম খেদি নুমলীগড়ৰ ৩৭ নং ৰাষ্ট্ৰীয় ঘাইপথত তালাচী চলাই এখন আৰ্টিকা বাহনত অহা তিনিজন লোকক আটক কৰিছে । জানিব পৰা মতে আটকধীন লোককেইজন দেৰগাঁৱৰ দীপ কুমাৰ চুমানী ,দেৱাশীৰ্ষ ধৰ আৰু মেৰাট আলি । বোকাখাতৰ পৰা AS01ED8119 নম্বৰ আৰ্টিকা গড়ীৰে আহি থকা অৱস্থাত গ্ৰেপ্তাৰ কৰে আৰক্ষীয়ে। আৰক্ষীৰ সূত্ৰৰ পৰা জানিব পূৰ্বতেও দেৰগাঁৱৰ দীপ কুমাৰ চুমানী নামৰ লোকজনক নিচাযুক্ত টেবলেটৰ সৈতে আৰক্ষীয়ে গ্ৰেপ্তাৰ কৰিছিল। ইতিমধ্যেই ধৃত তিনিওজনকে বোকাখাত আৰক্ষী থানাত অধিক তথ্যৰ বাবে মাৰাথান জেৰা অব্যাহত ৰাখিছে ।
