বৰপথাৰত সন্ধানহীন বিবাহিত যুৱক
গোলাঘাট জিলাৰ ধনশিৰি মহকুমাৰ বৰপথাৰত এজন বিবাহিত যুৱক নিৰুদ্দেশ হোৱাৰ খবৰ পোৱা গৈছে। উল্লেখ্য যে বৰপথাৰ আৰক্ষী থানাৰ অন্তগর্ত যোৰহটীয়া পাভজান গাঁৱৰ নিবাসী ৰঞ্জনজ্যোতি বৰা নামৰ যুৱক জন যোৱা ২১ আগষ্টৰ পৰা সন্ধানহীন হৈ আছে। পৰিয়ালৰ লোকে ওচৰ-চুবুৰীয়া আত্মীয়-স্বজনৰ ঘৰত বিচাৰ-খোচাৰ কৰিছে যদিও আজিলৈকে কোনো সন্ধান লাভ কৰা নাই যুৱকজনৰ । উপায়ন্তৰহৈ বৰপথাৰ আৰক্ষীৰ কাষ চাপিছে সন্ধানহীন যুৱক জনৰ পৰিয়ালে।
ইপিনে বৰ্তমানলৈকে যুৱক জনৰ কোনো শুংসূত্ৰ উলিয়াবলৈ সক্ষম হোৱা আৰক্ষী। এটা সন্তানৰ পিতৃ ৰঞ্জনজ্যোতি বৰা মানসিক ভাবে দুৰ্বল হোৱাৰ বাবে চিকিৎসকৰ ওচৰত চিকিৎসা গ্রহণ কৰি থকাৰ কথা জানিবলৈ দিছে পৰিয়ালৰ লোকে। এটা সন্তানৰ পিতৃ ৰঞ্জনজ্যোতিৰ কিবা খবৰ পালে ৯৯৫৪৩৭৬৮২৮ ম'বাইল নম্বৰত জনাবলৈ আহ্বান জনাইছে পৰিয়ালৰ লোকে।
