মাজুলীৰ এজন শিক্ষকে প্ৰকৃতি প্ৰেমৰ উৎকৃষ্ট নিদৰ্শন দাঙি ধৰিছে। মাজুলীৰ জোনাকী ছমহীয়া আটী আদৰ্শ উচ্চতৰ মাধ্যমিক বিদ্যালয়ৰ জ্যেষ্ঠ শিক্ষক তথা প্ৰকৃতিপ্ৰেমী প্ৰবীণ কুমাৰ দত্তই বিগত সময়চোৱাত আঘাতপ্ৰাপ্ত পক্ষী উদ্ধাৰ কৰি সুশ্ৰুষা কৰাৰ লগতে বিভিন্ন সময়ত খাদ্যৰ সন্ধান বা অন্য কাৰণতে হওক হাবিৰ পৰা ওলাই আহি মানুহৰ গৃহত প্ৰৱেশ কৰা বিষধৰ সাপ নিজে ধৰি নিৰাপদ স্থানত এৰি দি আহিছে। যি সময়ত একাংশ অসাধু লোকে বন্য প্ৰাণীৰ ওপৰত অবাধ ধংস চলাই আহিছে সেই সময়ত শিক্ষক গৰাকীয়ে দেখুওৱা প্ৰকৃতি প্ৰেমৰ উদাহৰণ আন বহুতৰ বাবে আদৰ্শ হৈ পৰিছে ৷