সোণাৰি মহাবিদ্যালয়ৰ অসমীয়া বিভাগৰ সন্তোষজনক ফলাফল

উজনি অসমৰ আগশাৰীৰ উচ্চ শিক্ষাৰ অনুষ্ঠান সোণাৰি মহাবিদ্যালয়ৰ অসমীয়া বিভাগে অলপতে ডিব্ৰুগড় বিশ্ববিদ্যালয়ে ঘোষণা কৰা স্নাতক চূড়ান্ত পৰীক্ষাত 

সন্তোষজনক ফলাফল দেখুৱাবলৈ সক্ষম হয়। স্নাতক চূড়ান্ত পৰীক্ষাত অৱতীৰ্ণ হোৱা সোণাৰি মহাবিদ্যালয়ৰ অসমীয়া বিভাগৰ ২৯ গৰাকী ছাত্ৰ-ছাত্ৰীৰ ভিতৰত ২৭ গৰাকী ছাত্ৰ-ছাত্ৰীয়ে সুখ্যাতিৰে উত্তীৰ্ণ হ'বলৈ সক্ষম হয়। ইয়াৰে "এ" গ্ৰেড ১২ গৰাকীয়ে আৰু "বি+" গ্ৰেড ১৫ গৰাকী ছাত্ৰ-ছাত্ৰীয়ে লাভ কৰি উত্তীৰ্ণ হয়। উত্তীৰ্ণৰ হাৰ ৯৩% শতাংশ। গৌৰৱোজ্বল সোণালী জয়ন্তী বৰ্ষত ভৰি দিয়া সোণাৰি মহাবিদ্যালয়ৰ অসমীয়া বিভাগে পূৰ্বৰ সাফল্যৰ ধাৰা অব্যাহত ৰাখি এই বৰ্ষতো সফলতা লাভ কৰাত অঞ্চলটোৰ ৰাইজে সন্তোষ প্ৰকাশ কৰিছে।