રાજ્યમાં ફરી વરસાદી માહોલ જામવાની હવામાન વિભાગ દ્વારા આગાહી કરવામાં આવી છે. આગામી પાંચ દિવસ સમગ્ર ગુજરાતમાં વરસાદી માહોલ રહેશે. આગામી 2 દિવસ સામાન્ય વરસાદની આગાહી કરવામાં આવી છે, જ્યારે 22 તારીખથી રાજ્યમાં વરસાદનું જોર વધશે. બંગાળની ખાડીમાં સર્જાયેલા લો પ્રેશરથી ગુજરાતમાં ભારેથી અતિભારે વરસાદ આવશે. ઉત્તર, મધ્ય અને દક્ષિણ ગુજરાતમાં ભારે વરસાદની આગાહી કરાઈ છે.
- 22 ઓગસ્ટથી રાજ્યમાં વરસાદનું જોર વધશે
- બંગાળની ખાડીમાં સર્જાયું લો પ્રેશર
- ગુજરાતમાં ભારેથી અતિભારે વર સાદની આગાહી
- માછીમારોને દરિયો ન ખેડવા સૂચના
જ્યારે બનાસકાંઠા, સાબરકાંઠા, અરવલ્લી, પાટણ, વલસાડ, નવસારી, સુરતમાં ભારે વરસાદની આગાહી કરાઈ છે, જ્યારે અમદાવાદમાં મધ્યમ વરસાદની આગાહી કરાઈ છે. તારીખ 22 અને 23 ઓગસ્ટ માછીમારોને દરિયો ન ખેડવા સૂચના પણ આપવામાં આવી છે. હવામાન વિભાગ દ્વારા રાજ્યમાં સૌરાષ્ટ્ર, કચ્છ, દમણ, દાદરા નગર હવેલીમાં વરસાદની આગાહી કરવામાં આવી છે. આ સિવાય રાજ્યમાં મોરબી, સુરેન્દ્રનગર, જામનગર, દ્વારકા, પોરબંદર, રાજકોટ, જૂનાગઢ, અમરેલી, ગીર સોમનાથ, ભાવનગર અને બોટાદ જિલ્લામાં વરસાદ વરસી શકે છે. હવામાન વિભાગની આગાહી અનુસાર, રાજ્યમાં તારીખ 22 ઓગસ્ટથી વરસાદની સિસ્ટમ સક્રિય થશે.
