মানৱ সম্পদ গঢ়াত নিৰৱে এক গুৰুত্বপূর্ণ ভূমিকা পালন কৰা গহপুৰৰ সোলেঙীগুৰি পঞ্চায়তৰ নবিল প্ৰাথমিক বিদ্যালয়ৰৰ প্ৰাক্তন প্ৰধান শিক্ষক ৰুদ্ৰ বৰুৱা আৰু নাই। দীর্ঘদিন ধৰি উচ্চ ৰক্তচাপত আক্রান্ত হৈ থকা বিলতীয়া গাঁৱৰ নিবাসী, আদৰ্শৱান শিক্ষক বৰুৱাই বৃহস্পতিবাৰে বিয়লি ৪. ৪৪ বজাত ৬৬ বছৰ বয়সত শেষ নিশ্বাস ত্যাগ কৰে। ১৯৬১ চনত এটি দৰিদ্র পৰিয়ালত জন্মগ্রহণ কৰি অশেষ কষ্ট আৰু ত্যাগ স্বীকাৰ কৰি উচ্চ শিক্ষা লৈ গাওঁখনৰ লগতে গহপুৰ অঞ্চলৰ বহু ছাত্র ছাত্রীক নিচেই কম পইচাত টিউচন কৰি জীৱন সংগ্রাম অব্যাহত ৰখাৰ লগতে পিছলৈ শিক্ষকতা জীৱন আৰম্ভ কৰে। ২০২১ চনৰ ৩১ মার্চত তেখেতে চৰকাৰী চাকৰিৰ পৰা অৱসৰ গ্রহণ কৰে। মৃদুভাষী, প্ৰচাৰবিমুখ ৰুদ্ৰ বৰুৱাই মৃত্যুৰ সময়ত পত্নী সহ এগৰাকী জীয়ৰী আৰু এজন পুত্র সন্তান এৰি থৈ গৈছে।