बडनेरा पोलीस ठाण्याच्या हद्दीत येणाऱ्या श्री क्षेत्र कोंडेश्वर येथील तलावाजवळ युवक - युवतीस कुऱ्हाडीचा धाक दाखवून लूटणाऱ्या चार जणांना बडनेरा पोलीसांनी अटक केली . योगेश मुरलीधर ऊईक रोशन अरूणराव टेकाम मनोज रमेश फुरसंगे व देवराव बिनाजी | स्वर्गे सर्व राहणार . ग्राम गोविंदपुर तालुका . जिल्हा . अमरावती ) अशी अटक करण्यात आलेल्या आरोपींची नावे आहेत . मिळालेल्या माहीतीनुसार टिमटाला गावातील एक १९ वर्षीय युवक हा त्याच्या मैत्रीणीसोबत कारने श्री क्षेत्र कोंडेश्वर येथील तलावाजवळ पिझ्झा खात हातो . दुपारी पावणे तीन वाजताचे सुमारास एक व्यक्ती कुऱ्हाड घेवून तिथे आला . यावेळी आणखी तिघे तिथे आले होते . त्यांनी युवकाचे पाकीट हिसकले . पाकीटामध्ये २१०० रूपयाची रोकड होती . याप्रकरणी बडनेरा पोलीसांनी अज्ञात आरोपीवर भादंविच्या कलम ३९२, ५०६ ( ब ) ३४ अन्वये गुन्हा दाखल केला होता . याप्रकरणात पोलीसांनी योगेश ऊईक , रोशन टेकाम , मनोज फुरसंगे व देवराव स्वर्गे यांना अटक करून त्यांच्याजवळून मुद्देमाल जप्त केला . ही कारवाई पोलीस आयुक्त डॉ . आरती सिंह , उपायुक्त मकानदार , सहाय्यक आयुक्त ढोले , बडनेरा पोलीस ठाण्याचे पोलीस निरिक्षक बाबाराव अवचार साहेब , क्राईम निरीक्षक विजय दिघे , रायलीवाले यांनी केली