કાલોલ તાલુકા પંચાયતમાં પ્રમુખ તરીકે જયપાલસિંહ રાઠોડ અને ઉપપ્રમુખ તરીકે સંજયસિંહ રાઠોડની તાજપોશી. કાર્યકરો દ્વારા સ્વાગત કરાયુ

કાલોલ તાલુકા પંચાયતની પ્રથમ સામાન્ય બેઠક આજરોજ તાલુકા પંચાયતના સભાખંડમાં પંચમહાલ જિલ્લા નાયબ કલેક્ટર (સ્ટેમ્પ ડયુટી)ડો.એમ.કે.ડોડીયા ની અધ્યક્ષસ્થાને યોજાઈ હતી જેમાં કાલોલ તાલુકા વિકાસ અધિકારી આર.પી.પ્રજાપતિની પ્રેરક ઉપસ્થિતિ વચ્ચે તાલુકા પંચાયતના પ્રમુખ અને ઉપપ્રમુખ પદ માટેની વરણી પ્રક્રિયા હાથ ધરવામાં આવી હતી જેમાં કાલોલ તાલુકા પંચાયતના પ્રમુખ તરીકે જયપાલસિંહ રાઠોડ ની વરણી કરવામાં આવી. જ્યારે ઉપપ્રમુખ તરીકે સંજયસિંહ રાઠોડ ની પસંદગી સાથે જ કાલોલ તાલુકા પંચાયતમાં પ્રમુખ અને ઉપપ્રમુખની વરણી પ્રક્રિયા પૂર્ણ કરવામાં આવી હતી ત્યારે કાલોલ તાલુકા પંચાયત કચેરી ખાતે યોજાયેલી બેઠક દરમિયાન નવા હોદ્દેદારોના નામોની સત્તાવાર જાહેરાત કરવામાં આવી હતી ત્યારે તાલુકા પંચાયતના સભાખંડમાં વરણી પ્રક્રિયા દરમિયાન કાલોલ મતવિસ્તારના ધારાસભ્ય ફતેસિંહ ચૌહાણ અને કાલોલ તાલુકા ભાજપ મંડળના પ્રમુખ મહિદીપસિંહ ગોહિલ, જીલ્લા પંચાયત પ્રમુખ નીરજભાઈ પટેલ,પંચમહાલ જિલ્લા કિસાન મોરચાના પ્રમુખ કિરણસિંહ સોલંકી, પંચમહાલ મહિલા મોરચાના પ્રમુખ શૈફાલીબેન ઉપાધ્યાય સાથે ભારતીય જનતા પાર્ટીના આગેવાનો, કાલોલ નગરપાલિકાના સભ્યો તેમજ કાર્યકરોની વિશેષ હાજરી જોવા મળી હતી. જ્યાં જીલ્લા નાયબ કલેકટર (સ્ટેમ્પ ડયુટી) ના અધ્યક્ષ સ્થાને સમગ્ર પ્રક્રિયા શાંતિપૂર્ણ માહોલમાં પૂર્ણ કરવામાં આવી હતી અને વિજેતા ઉમેદવારોને સત્તાવાર રીતે જાહેર કરવામાં આવ્યા હતા. કાર્યકરો દ્વારા નવા વરાયેલા પ્રમુખ અને ઉપપ્રમુખ ને ફૂલહાર પહેરાવી શુભેરછાઓ પાઠવી હતી.