સાબરમતી રિવરફ્રન્ટ પર Fit India Sundays on Cycle અંતર્ગત આયુષ્માન ખુરાના અને મંત્રીઓએ દોડાવી સાયકલ!

સાબરમતી રિવરફ્રન્ટ પર જોશનું પૂર: ‘ફિટ ઇન્ડિયા સંડેઝ ઓન સાયકલ’ની 75મી ઐતિહાસિક એડિશનમાં ઉમટ્યા હજારો યુવાનો, આયુષ્માન ખુરાના અને મંત્રીઓએ દોડાવી સાયકલ!

અમદાવાદનો પ્રતિષ્ઠિત સાબરમતી રિવરફ્રન્ટ વહેલી સવારે ફિટનેસના અદભુત ઉત્સાહ અને ઉર્જાથી ગુંજી ઉઠ્યો હતો. દેશભરમાં ફિટનેસ સંસ્કૃતિને પ્રોત્સાહન આપવા માટે શરૂ કરાયેલી Fit India Sundays on Cycle અંતર્ગત રિવરફ્રન્ટ ઇવેન્ટ સેન્ટર ખાતે 75મી ભવ્ય એડિશનનું ઐતિહાસિક આયોજન કરવામાં આવ્યું હતું. કોમનવેલ્થ ડે નિમિત્તે આયોજિત આ વિશેષ સ્પોર્ટ્સ કાર્નિવલમાં હજારોની સંખ્યામાં અમદાવાદીઓ, ખાસ કરીને યુવાનો પોતાના હેલ્થ ગિયર અને સાયકલ સાથે જોડાયા

વિકસિત ભારત માટે ફિટ નાગરિકો અનિવાર્ય: કેન્દ્રીય મંત્રી ડૉ. મનસુખ માંડવિયા

આ ભવ્ય ઇવેન્ટનું નેતૃત્વ કરતા કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયાએ નાગરિકો સાથે સાયકલ ચલાવીને ફિટનેસનો મજબૂત સંદેશ આપ્યો હતો. સભાને સંબોધતા તેમણે જણાવ્યું હતું કે, “વડાપ્રધાન નરેન્દ્ર મોદીના 'વિકસિત ભારત'ના સ્વપ્નને સાકાર કરવા માટે દેશના પ્રત્યેક નાગરિકનું ફિટ અને તંદુરસ્ત રહેવું અનિવાર્ય છે." તેમણે ઉમેર્યું કે ભારત વર્ષ 2030માં શતાબ્દી કોમનવેલ્થ ગેમ્સ (CWG 2030)ની યજમાની કરવા તરફ આગળ વધી રહ્યું છે અને અમદાવાદ તેનું મુખ્ય યજમાન શહેર બનવા જઈ રહ્યું છે, તેથી દેશમાં અત્યારથી જ રમતગમતની સંસ્કૃતિ ખીલવવી જરૂરી છે.

ફિટ ઇન્ડિયા મૂવમેન્ટ હવે જન-આંદોલન: હર્ષ સંઘવી

ગુજરાતના રમતગમત મંત્રી હર્ષ સંઘવીએ ઇવેન્ટમાં યુવાનોના જોશને બિરદાવતા કહ્યું હતું કે, "ફિટ ઇન્ડિયા મૂવમેન્ટ હવે માત્ર સરકારી અભિયાન નથી રહ્યું, પરંતુ તે ગુજરાતના દરેક ઘર સુધી પહોંચીને એક મોટું 'જન-આંદોલન' બની ગયું છે." આ પ્રસંગે બોલિવૂડ અભિનેતા આયુષ્માન ખુરાના અને પ્રખ્યાત શૂટર ગગન નારંગે પણ હાજરી આપીને યુવાનોનો ઉત્સાહ બમણો કર્યો હતો. સાયકલિંગ સિવાય સવારે રિવરફ્રન્ટ પર ઝુમ્બા, ગરબા, યોગા અને વિવિધ રમતગમતના ઝોન આકર્ષણનું કેન્દ્ર બન્યા

  • Fit India Sundays on Cycle 75th edition Ahmedabad,

  • Mansukh Mandaviya cycling Sabarmati Riverfront,

  • Harsh Sanghavi Fit India movement Ahmedabad,

  • Ayushmann Khurrana at Ahmedabad Riverfront cycle event,

  • Commonwealth Games 2030 Ahmedabad preparation,

  • સાબરમતી રિવરફ્રન્ટ સાયકલિંગ ઇવેન્ટ,

  • મનસુખ માંડવિયા હર્ષ સંઘવી ફિટ ઇન્ડિયા,

#FitIndia #SundaysOnCycle #SabarmatiRiverfront #Ahmedabad #CWG2030InBharat #MansukhMandaviya #HarshSanghavi #AyushmannKhurrana #FitnessMovement #CyclingLife #ViksitBharat #Amdavad #GujaratSports