થરાદ માં રૂપિયા 1.77 લાખનું MD ડ્રગ્સ સાથે બે શખ્સોને ઝડપી પાડવામાં આવ્યા છે..

વાવ-થરાદ જિલ્લામાં પોલીસે ડ્રગ્સ વિરુદ્ધ મોટી કાર્યવાહી કરી છે. થરાદ ડીવાયએસપી દ્વારા યોજાયેલી પ્રેસ કોન્ફરન્સ માં આ અંગે માહિતી આપવામાં આવી હતી, ભારતમાલા રોડ પર સઘન ચેકિંગ દરમિયાન બે શખ્સોને MD ડ્રગ્સ સાથે ઝડપી પાડવામાં આવ્યા છે..

પોલીસે વાતડાઉ ચેકપોસ્ટ પર બાતમીના આધારે એક બોલેરો ગાડી રોકી તપાસ કરી હતી, આ તપાસ દરમિયાન ગાડીમાંથી 17.73 ગ્રામ મેથ એમ્ફેટામાઇન (MD) ડ્રગ્સ મળી આવ્યું હતું, જપ્ત કરાયેલા ડ્રગ્સની અંદાજિત બજાર કિંમત રૂપિયા 1.77 લાખ આંકવામાં આવી છે..

આ કેસમાં રાજસ્થાન ના નાગોર જિલ્લાના બે આરોપીઓ ની ધરપકડ કરવામાં આવી છે, પોલીસે સરકારી પંચોની હાજરીમાં ડ્રગ્સ ઉપરાંત કાર, બે મોબાઇલ ફોન અને અન્ય સામાન સહિત કુલ રૂપિયા 3.92 લાખનો મુદ્દામાલ કબજે કર્યો છે..

થરાદ ડીવાયએસપી એસ.એમ. વારોતરીયા એ જણાવ્યું હતું કે વાવ-થરાદ જિલ્લો આંતરરાજ્ય અને આંતરરાષ્ટ્રીય સરહદ સાથે જોડાયેલો હોવાથી અહીં સતત કડક ચેકિંગ કરવામાં આવે છે, પ્રાથમિક તપાસમાં આરોપીઓ એ સાંચોર ટોલ નજીકથી ડ્રગ્સ મેળવ્યાનું સામે આવ્યું છે..

પરમિટ વગર માદક પદાર્થ રાખવા બદલ આરોપીઓ વિરુદ્ધ ગુનો નોંધવામાં આવ્યો છે, હાલ આરોપીઓ ના રિમાન્ડ મેળવવાની કાર્યવાહી સાથે આગળની તપાસ હાથ ધરવામાં આવી રહી છે..