ઉદ્યોગનગર પોલીસના ગુજસીટોકના ગુનામાં ચાર આરોપી પોરબંદર એલ.સી.બી.ના હાથે ઝડપાયા

પોરબંદર ઉદ્યોગનગર પોલીસ સ્ટેશનમાં ગુજરાત કંટ્રોલ ઓફ ટેરરીઝમ એન્ડ ઓર્ગેનાઇઝ ક્રાઇમ (GUJCTOC) એક્ટ હેઠળ નોંધાયેલા ગંભીર ગુનામાં પોરબંદર એલ.સી.બી.એ ચાર આરોપીઓને ઝડપી પાડી મહત્વની સફળતા મેળવી છે. પકડાયેલા આરોપીઓમાં મયુર ઉર્ફે મયલો હરદાસભાઈ ઓડેદરા, વિશાલ ઉર્ફે વાકી ડોક નાગાજનભાઈ ગોરાણીયા, માલદે ઉર્ફે જગીરો રામભાઈ કુછડીયા અને રવી કીસાભાઈ મુછાળનો સમાવેશ થાય છે.

પોલીસ તપાસ મુજબ આરોપીઓએ મયુર ઉર્ફે મયલાની આગેવાની હેઠળ સંગઠિત ગુનાહિત ટોળકી બનાવી છેલ્લા દસ વર્ષ દરમિયાન પોરબંદર, રાજકોટ શહેર-ગ્રામ્ય, સુરત શહેર તેમજ દેવભૂમિ દ્વારકા સહિતના વિસ્તારોમાં અનેક ગંભીર ગુનાઓ આચર્યા હતા. ટોળકી દ્વારા લોકોમાં ભય અને દહેશત ફેલાવવા હિંસાત્મક હુમલા, હત્યા, હત્યાના પ્રયાસ, લૂંટ, અપહરણ, ગેરકાયદેસર હથિયારો રાખવા, ઘરફોડ ચોરી, સરકારી કર્મચારીની ફરજમાં અવરોધ અને પ્રોહિબિશન જેવા અનેક ગુનાઓ કરવામાં આવ્યા હોવાનું પોલીસ દ્વારા જણાવાયું છે.

આ ગંભીર ગુનામાં આરોપીઓને ઝડપી પાડવા જુનાગઢ રેન્જના નાયબ પોલીસ મહાનિરીક્ષક રાજેન્દ્રસિંહ ચુડાસમા અને પોરબંદર પોલીસ અધિક્ષક ભગીરથસિંહ જાડેજાની સૂચનાથી એલ.સી.બી. ઇન્ચાર્જ પી.આઈ. આર.કે. કાંબરીયાએ અલગ અલગ ટીમો બનાવી તપાસ હાથ ધરી હતી. દરમિયાન એલ.સી.બી. સ્ટાફને બાતમી મળી હતી કે ગુજસીટોકના ગુનામાં વોન્ટેડ આરોપીઓ રાજકોટ-પોરબંદર હાઇવે પર વણાણા ટોલનાકા પાસેથી કાળા રંગની એન્ડેવર કારમાં પસાર થવાના છે.

બાતમીના આધારે પોલીસે વોચ ગોઠવી કારને અટકાવી તપાસ કરતા ચારેય આરોપીઓ મળી આવ્યા હતા. પોલીસે આરોપીઓને ઝડપી પાડી કાર સહિત કબ્જે લીધી હતી. ત્યારબાદ ચારેય આરોપીઓને વધુ તપાસ માટે પોલીસ હવાલે સોંપવામાં આવ્યા છે. સમગ્ર ગુનાની વધુ  તપાસ રાણાવાવના નાયબ પોલીસ અધિક્ષક