ડીસા માં પગાર ના અન્યાય સામે શિક્ષકોની આંદોલન ની ચીમકી..

બનાસકાંઠા જિલ્લાના અનુદાનિત પ્રાથમિક શાળાના શિક્ષકો સાથે વર્ષોથી થઈ રહેલા આર્થિક અન્યાય મામલે શનિવારે ડીસાની ડી.એન.પી. ગર્લ્સ પ્રાથમિક શાળા ખાતે એક નિર્ણાયક બેઠક યોજાઈ હતી, જેમાં અન્યાય સામે આંદોલન ની ચીમકી ઉચ્ચારવામાં આવી હતી..

ડીસા માં યોજાયેલી બેઠકમાં ઉપસ્થિત 45 જેટલા શિક્ષકોએ આક્રોશ વ્યક્ત કરતા જણાવ્યું હતું કે, સમાન કામ-સમાન વેતન ના કાયદા હેઠળ 4200 ગ્રેડ પે અમારો બંધારણીય હક છે. અત્યાર સુધી સરકાર દ્વારા માત્ર પોકળ આશ્વાસનો જ મળ્યા છે, પરિણામે હવે જો યોગ્ય નિરાકરણ નહીં આવે તો ગાંધીચિંઘ્યા માર્ગે અહિંસક આંદોલન કરવાની તૈયારી પણ દર્શાવી છે..

આ લડતને વ્યવસ્થિત રીતે ચલાવવા માટે સાત સભ્યોની એક વિશેષ કમિટીની નિમણૂક કરી છે, જેમાં પ્રમુખ તરીકે શામળભાઈ ચૌધરી અને મંત્રી તરીકે દિનેશભાઈ સુંદેશા ની સર્વાનુમતે વરણી કરી છે, આ કમિટી હવે આગામી દિવસોમાં સરકાર સમક્ષ રજૂઆત અને આંદોલન ની રણનીતિ નક્કી કરશે..

આ સમગ્ર બેઠકનું આયોજન ડી.એન.પી. શાળાના આચાર્ય દિનેશભાઈ સાંખલા, જગદેવસિંહ રાજપૂત અને ભરતભાઈ કતીરા દ્વારા સફળતાપૂર્વક કરાયું હતું. તમામ શિક્ષકોએપોતાના હક માટે લડત આપવાનો નિર્ધાર કર્યો છે..