ડીસા સિવિલ હોસ્પિટલ પાર્કિંગ માંથી બાઈક ચોરી

ડીસા શહેરમાં આવેલી સિવિલ હોસ્પિટલ ના પાર્કિંગમાંથી એક બાઈક ની ચોરી થઈ હોવાનો બનાવ સામે આવ્યો છે, પુત્રની સારવાર કરાવવા આવેલા એક સેલ્સમેન ની રૂપિયા 35,000 ની કિંમતની બાઈક અજાણ્યા ચોર ઈસમ દ્વારા ચોરી લેવામાં આવી હતી, આ મામલે બાઈક માલિકે ડીસા ઉત્તર પોલીસ મથકે ફરિયાદ નોંધાવી છે..

પ્રાપ્ત માહિતી અનુસાર, ડીસા ના અમન પાર્ક, રાજપુર રોડ પર રહેતા 46 વર્ષીય સાજીદહુશેન હારુનભાઈ મેમણ તેમના પુત્રની સારવાર માટે ડીસા સિવિલ હોસ્પિટલ આવ્યા હતા, તેમણે પોતાની હીરો સ્પ્લેન્ડર મોટર સાઈકલ (રજી. નં. GJ-08-BC-7657) હોસ્પિટલ ના પાર્કિંગમાં પાર્ક કરી હતી, આ બ્લેક-સિલ્વર કલર ની હીરો કંપની ની સ્પ્લેન્ડર મોટર સાઈકલ ની અંદાજિત કિંમત રૂપિયા 35,000 છે..

પુત્રની સારવાર કરાવ્યા બાદ સાજીદ હુશેન જ્યારે પરત પાર્કિંગમાં આવ્યા, ત્યારે તેમને પોતાની બાઈક ત્યાં મળી ન હતી. તેમણે આસપાસ તપાસ કરી, પરંતુ બાઈક નો કોઈ પત્તો લાગ્યો ન હતો, લાંબા સમય સુધી શોધખોળ કરવા છતાં બાઈક ન મળતા, સાજી દહુશેન મેમણે અજાણ્યા ચોર ઈસમ વિરુદ્ધ ઓનલાઈન ઈ-એફઆઈઆર નોંધાવી છે..

ડીસા ઉત્તર પોલીસે આ મામલે ગુનો નોંધી વધુ તપાસ હાથ ધરી છે..