કદવાલ તાલુકા પંચાયત અને જિલ્લા પંચાયતની બેઠકો માટે જંગ જામ્યો: ૫૭ ઉમેદવારો મેદાનમાં

પાવીજેતપુર, તા. ૧૬

         સ્થાનિક સ્વરાજ્યની ચૂંટણીઓને લઈને કદવાલ પંથકમાં રાજકીય માહોલ ગરમાયો છે. કદવાલ તાલુકાની ૨ જિલ્લા પંચાયત બેઠકો માટે મુખ્ય ૭ ઉમેદવારો વચ્ચે સીધો જંગ જોવા મળી રહ્યો છે, જ્યારે તાલુકા પંચાયતની ૧૬ બેઠકો પર ૫૦ ઉમેદવારો પોતાનું નસીબ અજમાવી રહ્યા છે.

          પ્રાપ્ત વિગતો અનુસાર, કદવાલ જિલ્લા પંચાયતની બેઠકો પર વિવિધ પક્ષોએ પોતાના મજબૂત ઉમેદવારો ઉતાર્યા છે:

૧. મુવાડા જિલ્લા પંચાયત બેઠક પર કુલ ચાર ઉમેદવારો મેદાનમાં છે:

જયાબેન નવિનભાઈ નાયકા (આમ આદમી પાર્ટી),

 હેતલબેન વિકાસભાઈ રાઠવા (ભાજપ),

અનસૂયાબેન મથુરભાઈ રાઠવા (કોંગ્રેસ)

 લક્ષ્મીબેન લીમજીભાઈ રાઠવા (અપક્ષ)

૨. (કદવાલ-૧૦ બેઠક)

આ બેઠક પર ત્રિપાંખિયો જંગ ખેલાશે, જેમાં ત્રણ ઉમેદવારો વચ્ચે મુકાબલો છે:

રાઠવા ગણપતભાઈ રણછોડભાઈ (આમ આદમી પાર્ટી)

 વિજયભાઈ અમરસીંગ રાઠવા (ભાજપ)

ધોરીબેન રામસીંગભાઈ રાઠવા (કોંગ્રેસ)

તાલુકા પંચાયતનું ચિત્ર

જિલ્લા પંચાયતની સાથે સાથે તાલુકા પંચાયતની ૧૬ બેઠકો પર પણ રસાકસી જોવા મળી રહી છે. આ ૧૬ બેઠકો માટે ૫૧ માંથી ૧ ઉમેદવારે ફોર્મ પરત ખેંચતા કુલ ૫૦ ઉમેદવારો ચૂંટણી મેદાનમાં રહ્યા છે. ભાજપ ૧૬, કોંગ્રેસ ૧૪, આમ આદમી પાર્ટી ૧૬ અને અપક્ષ ૪ મળી કુલ ૫૦ ઉમેદવારો મેદાનમાં રહ્યા છે.

મતદારોમાં પણ પોતાની સ્થાનિક સરકાર પસંદ કરવા માટે ભારે ઉત્સાહ જોવા મળી રહ્યો છે. હવે જોવાનું એ રહેશે કે આગામી દિવસોમાં જનતા કોના પર કળશ ઢોળે છે.