માલગઢ માં ભાજપના ઉમેદવાર ભાવનાબેન સોલંકી બિનહરીફ ચૂંટાયા..

ડીસા તાલુકાના માલગઢ-૨ તાલુકા પંચાયત ડેલિગેટ તરીકે ભારતીય જનતા પાર્ટીના ઉમેદવાર ભાવનાબેન અશોકકુમાર સોલંકી બિનહરીફ ચૂંટાઈ આવ્યા છે..

ભાવનાબેન સોલંકી માલગઢ-2 તાલુકા પંચાયત ડેલિગેટ પદ માટે એકમાત્ર ઉમેદવાર હોવાથી તેમની બિનહરીફ જીત થઈ હતી.

આ જીતની ઉજવણી ડીસાની દિપક હોટલ ખાતે કરવામાં આવી હતી. આ પ્રસંગે ગ્રામજનો અને પક્ષના કાર્યકરો ઉપસ્થિત રહ્યા હતા..

ગામના આગેવાનો અને કાર્યકરોએ ભાવનાબેન સોલંકીને અભિનંદન પાઠવ્યા હતા. તેમણે આશા વ્યક્ત કરી હતી કે ભાવનાબેન સોલંકી માલગઢના વિકાસ કાર્યોને આગળ વધારશે અને વિસ્તારના પ્રશ્નોના નિરાકરણ માટે સક્રિય ભૂમિકા ભજવશે..