শিৱসাগৰঃ শিৱসাগৰ জিলাৰ জিলা আয়ুক্ত তথা জিলা নিৰ্বাচনী বিষয়া মৃদুল য়াদৱ আৰু জ্যেষ্ঠ আৰক্ষী অধীক্ষক পাপৰি চেতিয়াৰ উপস্থিতিত ৬ এপ্ৰিলত অসামৰিক আৰু আৰক্ষী বিভাগৰ জ'নেল আৰু ছেক্টৰ বিষয়াসকল তথা পৰিবহন কোষৰ বিষয়ববীয়াসকলৰ সৈতে স্থানীয় বৰ্ডিং খেলপথাৰত এখন গুৰুত্বপূৰ্ণ বৈঠক অনুষ্ঠিত হয়। বৈঠকত সমাগত বিধানসভা নিৰ্বাচনৰ পৰিপ্ৰেক্ষিতত সংশ্লিষ্ট সকলোৱে পালন কৰিবলগীয়া দায়িত্ব আৰু কৰ্তব্য সম্পৰ্কে বিস্তৃতভাবে অৱগত কৰা হয়। উক্ত বৈঠকত জিলা উন্নয়ন আয়ুক্ত পৱিত্ৰ কুমাৰ দাস, জিলা পৰিষদৰ মুখ্য কাৰ্যবাহী বিষয়া সতীশ চন্দ্ৰ ঠাকুৰীয়া, অতিৰিক্ত জিলা আয়ুক্তদ্বয় লুকুমণি বড়া আৰু মীনাক্ষী পেৰ্মে, নিৰ্বাচনী বিষয়া অদিতি নেওঁগ প্ৰমুখ্যে সংশ্লিষ্ট বিষয়া-কৰ্মচাৰী উপস্থিত থাকে ৷
