કાલોલ ઓડ ફળિયાના રસ્તા પાસે જુમ્મા મસ્જિદ ચોકડી પાસે વીસેક દિવસ પહેલા મહિલાની છેડતી કરવામાં આવી હતી જેની ફરિયાદ મહિલાએ બે ઈસમો સામે કાલોલ પોલીસ સ્ટેશન માં નોંધાવી હતી જેની અદાવતે મહિલાના ભાઈને ઈન્સ્ટાગ્રામ ઉપર આરોપીએ ધમકી આપી હોવાનું પણ બહાર આવ્યું છે આ બનાવની અદાવતે કાલોલ કસ્બા વિસ્તારમાં ગુરુવારે મોડી રાત્રે નૂરાની ચોક પાસે થી પસાર થતાં સમીરભાઈ મકબુલભાઈ બેલીમ ને મોઇનભાઈ રફિકભાઈ બેલીમ તથા તુફેલખાન ઈકબાલ ખાન પઠાણ દ્વારા પોલીસ ફરિયાદની અદાવતે તેઓની ગાડી જાણી જોઈને અથડાવી દઈ કહ્યું કે તારી બહેન પાસે અમારી સામે ફરિયાદ કરાવી છે તો તમે અને પોલીસે અમારું શું ઉખેડી લીધું એમ કહી ગંદી ગાળો બોલી આજે તો તમને છોડવાના નથી એમ કહેતા સમીરભાઈ ગભરાઈ ગયા હતા અને તેઓના કાકા રજાકભાઈ ના ઘર તરફ જતા રહ્યા હતા અને કાકા ને આ બાબતે જાણ કરતા તેઓના કાકા ઘરે મૂકવા જતા હતા તે સમયે આગળ તુફેલખાન અને મોઈનભાઈ દ્વારા અન્ય ઈમોને બોલાવી દઈ એક સંપ થઈ હાથમાં ઈંટો અને પથ્થર ધારણ કરી અને તેઓની તરફ છુટા મારવા લાગ્યા હતા તે સમય દરમિયાન રૂબીનાબેનના રજાકભાઈ કપાળના ભાગે પથ્થર વાગતા લોહી નીકળ્યું હતું આમ સમગ્ર વાતાવરણમાં ભયનું સામ્રાજ્ય ફેલાવી દઈ ફરિયાદીની ગાડીને તોડફોડ કરી ભાગી નાખી હતી ફરિયાદીની ગાડીને ગાડી અથડાવી દેતા તેઓના જમણા હાથની આંગળીમાં ફેક્ચર થયાનું નિદાન થયું હતું સમગ્ર બાબતે પાંચ મહિલાઓ સહિત 16 ઇસમોના નામ જોગ લેખિત ફરિયાદ કાલોલ પોલીસ માટે આપવામાં આવી છે. જોકે પોલીસ એ ઘટના સ્થળ ઉપરથી મોઈનભાઈ રફિકભાઈ બેલીમ અને તુંફેલખાન ઈકબાલભાઈ પઠાણને અટકાયતમાં લીધા હતા. અને આ બંને સામે છેડતીની ફરિયાદ સાત માર્ચ 2026 ના રોજ નોંધાવી હોવાથી તેઓની અટકાયત કરવામાં આવી હતી. આ બંનેની અટકાયત કરવામાં આવતા તેમના સગા સંબંધીઓ અને ઓળખીતા મિત્રો દ્વારા આજ રોજ શુક્રવારે સવારે સુનેન મકબુલભાઈ બેલીમને રસ્તામાં રોકી હુમલો કરવાની પ્રયત્ન કરતા તેઓ દોડીને નજીકમાં આવેલ કાલોલ પોલીસ સ્ટેશનમાં ભાગી ગયા હતા જ્યાં પોલીસ સ્ટેશનના ગેટ સુધી ટોળા બંધ ઈસમો હથિયારો સાથે આવી પહોંચ્યા હતા જેનો વિડીયો દ્વારા પોતાના મોબાઈલમાં ઉતારી લીધો હતો સમગ્ર બનાવવાની રજાકભાઈ બેલીમ દ્વારા કાલોલ પોલીસ મથકે લેખિતમાં બે મહિલા સહિત ૧૭ ઈસમો સામે નામજોગ ફરિયાદ આપી છે. મળતી માહિતી મુજબ છેડતીના ગુનામાં અટકાયત કરેલા બંને આરોપી તુફેલખાન ઈકબાલખાન પઠાણ અને મોઈન રફીકભાઈ બેલીમ ને પોલીસ દ્વારા કાલોલ કોર્ટ સમક્ષ રજૂ કરવામાં આવ્યા હતા જ્યાં તેઓની જામીન અરજી કાલોલ કોર્ટ દ્વારા નામંજૂર કરી જ્યુડિશિયલ કસ્ટડીમાં મોકલી આપવાનો હુકમ કરવામાં આવ્યો હોવાની માહિતી મળી રહી છે. આમ સગાઈ તોડી નાખવાની અદાવતે પરણીતાની છેડતી કરી છૂટાછેડા કરાવવાની ધમકી આપી જેની ફરિયાદ ની અદાવતે પોલીસે કાર્યવાહી કરી બંને આરોપીને પકડી લેતા તેની અદાવતે વિસ્તારમાં મામલો બીચક્યો હતો અને ફરિયાદ કરનાર પરણીતાના કુટુંબીજનો ઉપર ટોળા બંધ ઈસમો દ્વારા હુમલો કર્યો હોવાનું અને ઈંટો અને પથ્થર વડે હુમલો કર્યો હોવાના બનાવે ચર્ચા જગાવી છે. બન્ને પક્ષોએ એક બીજા પર આક્ષેપો કરી અલગ અલગ અરજીઓ આપી હોવાનું જાણવા મળ્યુ છે.