કોડીનાર તાલુકાના ના ઘાંટવડ ગામના જમજીરના ધોધ વિસ્તારમાં ત્રણ સબમર્શિબલ પંપ (પાણી ની મોટરો) ની ચોરી થયા ની ઘટના બની છે.ગત તારીખ ૫ ફેબ્રુઆરી ની રાત્રે ચોરી થયાની ફરિયાદ ગીર ગઢડા પોલીસ મથકે નોંધાઇ છે.ખેડૂત ભીખુભાઈ વિજાભાઇ મકવાણા,કરશનભાઈ ગીગુભાઇ મકવાણા અને ભુપતભાઈ આલાભાઇ મકવાણા ની સબમર્શિબલ પંપ (પાણીની મોટરો)ની ચોરી થઈ છે.૭૦ હજાર જેટલી કિંમત નો મુદ્દામાલ ચોરી થયા ની વાત અરજદાર કરી રહ્યા છે.ચકચારી ઘટનાની જાણ ગીર ગઢડા પોલીસ ને થતા સ્થળ તપાસ કર્યા બાદ તપાસના ચક્રો ગતિમાન કર્યા છે.જો કે આવી જ ઘટના અગાઉ ત્રણેક વર્ષ પહેલાં પણ બની હતી જેમાં પણ સબમર્શિબલ પંપ,લાઇટની સર્વિસ,સ્ટાર્ટર જેવી વસ્તુઓની ચોરી થઈ હતી અને ટૂંકા સમયગાળામાં કોડીનાર પોલીસ દ્વારા આરોપીઓને પકડી પાડયા હતા.આ કેસ માં પણ ગીર ગઢડા પોલીસ પોતાની આગવી સુજબુજ થી આરોપીઓને પકડી અને વરઘોડો કાઢે તેવી અરજદારો માંગ કરી રહ્યા છે.