75 વર્ષીય આરોપી ઝડપાયો 

ગીર ગઢડા પો.સ્ટે. વિસ્તારમાંથી ગાંજાનો વિશાળ જથ્થો ઝડપાયો

ગીર સોમનાથ પોલીસની એન.ડી.પી.એસ. હેઠળ મોટી કાર્યવાહી

ગીર સોમનાથ જિલ્લામાં ગાંજા/ચરસ/ડ્રગ્સ જેવા માદક પદાર્થોની હેરાફેરી તથા વેચાણ અંગે સતત બાજ નજર રાખી નશીલા પદાર્થોની બદી સદંતર નાબૂદ કરવા તેમજ ગાંજાનું વાવેતર થયેલ હોય તેવા એન.ડી.પી.એસ. એક્ટ હેઠળના ગુનાઓ શોધી કાઢવા પોલીસ મહાનિરીક્ષક નિલેશ જાજડીયા (જુનાગઢ વિભાગ) તથા પોલીસ અધિક્ષક જયદિપસિંહ જાડેજા (ગીર સોમનાથ) નાઓ દ્વારા સૂચના આપવામાં આવેલ હતી.

ઉપરોક્ત સૂચનાઓના અનુસંધાને અને પોલીસ અધિક્ષક જયદિપસિંહ જાડેજા નાઓની રાહબરી તથા માર્ગદર્શન હેઠળ તા. ૦૫/૦૨/૨૦૨૬ ના રોજ એસ.ઓ.જી. ઇન્ચાર્જ પોલીસ ઇન્સ્પેકટર ડી.એમ. કાગડા તથા એસ.ઓ.જી. સ્ટાફના માણસો ગીર ગઢડા પો.સ્ટે. વિસ્તારમાં પેટ્રોલિંગમાં હતા.

તે દરમિયાન ASI સરમણભાઇ ભોપાભાઇ, HC ગોપાલસિંહ દિપસિંહ તથા અભેસિંહ ભવાનભાઇ નાઓને અંગત તથા વિશ્વાસુ બાતમીદાર પાસેથી મળેલ બાતમીના આધારે ગીર ગઢડા ઢોરા શેરી, ઉના રોડ ખાતે નીચે જણાવેલ આરોપીના રહેણાંક મકાનના વાડામાં એન.ડી.પી.એસ. એક્ટ મુજબ રેઇડ કરવામાં આવી હતી.

રેઇડ દરમિયાન આરોપીના રહેણાંક મકાનના વાડામાંથી માદક પદાર્થ વનસ્પતિજન્ય ગાંજાના છોડનો મોટા પ્રમાણમાં જથ્થો મળી આવ્યો હતો. જેથી આરોપીને ઝડપી પાડી ગીર ગઢડા પો.સ્ટે. ખાતે એન.ડી.પી.એસ. એક્ટની કલમ 8(C), 20(2)(C) મુજબ ગુનો નોંધવામાં આવ્યો છે.

કબ્જે કરેલ મુદ્દામાલ :

વનસ્પતિજન્ય ગાંજાના છોડ (આશરે ૦.૫ ફૂટથી ૪ ફૂટ લંબાઈના નાના-મોટા છોડ)

નેટ વજન : ૫૫ કિલો ૩૨૦ ગ્રામ

કિંમત : રૂ. ૨૭,૬૬,૦૦૦/-

સેમસંગ કંપનીનો દુધીયા કલરનો એન્ડ્રોઇડ મોબાઇલ ફોન

કિંમત : રૂ. ૫,૦૦૦/-

➡️ કુલ મુદ્દામાલ : રૂ. ૨૭,૭૧,૦૦૦/-

આરોપીની વિગતો :

ભીખાભાઇ અતુભાઇ મકવાણા

ઉંમર : ૭૫ વર્ષ

ધંધો : કડીયાકામની મજુરી

રહે : ગીર ગઢડા ઢોરા શેરી, ઉના રોડ

પ્રાથમિક તપાસમાં આરોપી ગાંજો પીવાની આદત ધરાવતો તેમજ પોતાના રહેણાંક મકાનના વાડામાં મોટા પ્રમાણમાં ગાંજાનું વાવેતર કરી લીલા ગાંજાના છોડની સુકવણી કરી છુટક વેચાણ કરવાનો એમ.ઓ. ધરાવતો હોવાનું જણાયેલ છે.