અમદાવાદ સાયબર ક્રાઇમ બ્રાન્ચે મોતીલાલ ઓસ્વાલના નામે ઇન્વેસ્ટમેન્ટ ફ્રોડ કરનાર હિરલબા જાડેજાની ધરપકડ

મોતીલાલ ઓસ્વાલ કંપનીના નામે ઇન્વેસ્ટમેન્ટ ફ્રોડ કરતી ગેંગના બે સાગરીતોને અમદાવાદ સાયબર ક્રાઇમ બ્રાન્ચે ઝડપી પાડ્યા છે. ફરિયાદીને વ્હોટસએપના માધ્યમથી સંપર્ક કરી મોતીલાલા ઓસ્વાલ કંપનીમાંથી બોલતા હોવાનું કહીને ઊંચા વળતરની લાલચ આપીને જુદા જુદા બેંક ખાતામાં 31.59 લાખ રૂપિયા પડાવવામાં આવ્યા હતા. જેની ફરિયાદ સાયબર ક્રાઈમ બ્રાન્ચમાં નોંધાતા તપાસ હાથ ધરવામાં આવી હતી. જે ખાતામાં રૂપિયા ટ્રાન્સફર થયા હતા તેની તપાસ કરી અમદાવાદ સાયબર ક્રાઈમ બ્રાન્ચે સચિન મહેતા અને હિરલબા જાડેજાને ઝડપી પાડવામાં આવ્યા છે.