અન્ય ૬ મજુરોને ઇજા પહોંચતા આટકોટ હોસ્પિટલે સારવારમાં ખસેડાયા બાબરા તાલુકાના ઉંટવડ નજીક ગઇકાલે અહીથી પસાર થતી એક બોલેરો વાહન પલટી ખાઇ જતા ચાલકને ગંભીર ઇજા પહોંચતા તેનુ મોત નિપજયું હતુ. જયારે અન્ય છ લોકોને ઇજા પહેાંચતા સારવાર માટે દવાખાને ખસેડાયા હતા. ગઇકાલે બપોરના ત્રણેક વાગ્યાના સુમારે અહીથી પસાર થતા બોલેરો વાહન નંબર જીજે ૦૪બી.વી.૫૭૭૭ ના ચાલકે સ્ટીયરીંગ પરનો કાબુ ગુમાવતા બોલેરો પલટી ખાઇ ગઇ હતી.અકસ્માતમા જામકંડોરણાના સંજયભાઇ સુરેશભાઇ બાલધા ઉં.વ.૩૫ નામના યુવકનુ મોત નિપજયું હતુ. અકસ્માતમા અન્ય છ મજુરોને ઇજા પહોંચતા સારવાર માટે આટકોટ હોસ્પિટલે ખસેડવામા આવ્યા હતા.બનાવ અંગે જયદીપભાઇ મુકેશભાઇ રાદડીયાએ બાબરા પોલીસ મથકમા જાણ કરી હતી. બનાવની વધુ તપાસ પી.એસ.આઇ એચ.એચ.સેગલીયા ચલાવી રહ્યાં છે.

રિપોર્ટર.. ભરતભાઈ ખુમાણ રાજુલા/અમરેલી.