শিৱসাগৰ -- শিৱসাগৰ জিলাৰ ডিমৌ খণ্ড প্ৰাথমিক স্বাস্থ্য কেন্দ্ৰৰ প্ৰেক্ষাগৃহত সামাজিক আচৰণ সলনিকৰণ বিষয়ক কর্মশালা এখন অনুষ্ঠিত হয়। শিৱসাগৰ জিলা স্বাস্থ্য বিভাগ আৰু ডিমৌ স্বাস্থ্য খণ্ডৰ উদ্যোগত মুঠ ন (৯) খন চাহ বাগিচা সামৰি আয়োজন কৰা সামাজিক আচৰণ সলনিকৰণ বিষয়ক কর্মশালাখন সফলতাৰে সামৰণি পৰে। এই কর্মশালা ডিমৌ খণ্ড প্রাথমিক স্বাস্থ্যকেন্দ্রৰ অধীনস্থ ৯খন চাহ বাগিচাৰ স্বাস্থ্য সহায়ক, লাইন চকীদাৰ আৰু বাগিচাসমূহৰ আশাসকলে অংশগ্রহণ কৰে। কর্মশালাত বাগিচাৰ গর্ভৱর্তী মহিলা, নবজাতক, শিশু, জ্যেষ্ঠ নাগৰিক, পৰিপুষ্টি, স্বচ্ছতা, অনাময়, কিশোৰ-কিশোৰীৰ সু-স্বাস্থ্য ইত্যাদিৰ ওপৰত আলোকপাত কৰা হয় আৰু এখন ৰোগমুক্ত সুস্থ সমাজ গঠনৰ বাবে চাহ বাগিচাৰ লোকসকলে কেনেদৰে সহযোগ কৰিব পাৰিব সেই সন্দর্ভত প্রশিক্ষণ দিয়া হয়। বিশেষকৈ আশাকর্মীসকলৰ সৈতে চাহ বাগিচাসমূহৰ নেতৃস্থানীয় পুরুষসকলক জড়িত কৰাই বাগিচাসমূহত মাতৃ-শিশুৰ সু-স্বাস্থ্যৰ লগতে সামূহিক সু-স্বাস্থ্য বর্তাই ৰাখিবলৈ তেওঁলোকৰ অংশীদাবিত্ব সু-নিশ্চিত কৰিবলৈ বিচৰা হৈছে। প্রতিখন বাগিচাতে স্বাস্থ্য সম্পর্কীয় কাৰ্যসূচীসমূহত ৰাইজৰ অধিক অংশগ্রহণ আৰু সহযোগিতা সুনিশ্চিত কৰিবৰ বাবে একোখনকৈ ক'ৰ কমিউনিটী গ্রুপ গঠন কৰা হয়। এই গ্রুপে সক্রিয়ভাৱে চাহ বাগিচাসমূহত স্বাস্থ্য সম্পর্কীয় সজাগতা সৃষ্টিৰ লগতে স্বাস্থ্য বিষয়ক আনুসংগিক কৰ্মৰাজি ৰূপায়ণ কৰাত অগ্রণী ভূমিকা পালন কৰিব। কর্মশালাখনত সমল প্রশিক্ষক হিচাপে পিৰামল সক্ষমৰ জিলা সমন্বয়ক ভাৰ্গৱ বৰদলৈ, ৰাষ্ট্ৰী়য় স্বাস্থ্য অভিযান, শিৱসাগৰ জিলা গণমাধ্যম বিশেষজ্ঞ অঞ্জুশ্ৰী ফুকন, ডিমৌ খণ্ড প্রাথমিক স্বাস্থ্য কেন্দ্ৰৰ কমিউনিটী মবিলাইজাৰ মৃণাল ৰাজবংশী, খণ্ড প্ৰকল্প বিষয়া ৰঞ্জিত বৰা আৰু মহকুমা স্বাস্থ্য বিষয়া ডাঃ বিজিৎ বৰা উপস্থিত থাকে ৷৷
