CAA আন্দোলন ৰোধ কৰাৰ চেষ্টা আৰু AJYCP ৰ সাধাৰণ সম্পাদক পলাশ চাংমাইক গ্ৰেপ্তাৰ কৰি গণতান্ত্ৰিক আন্দোলন ৰোধ কৰা প্ৰচেষ্টা কাৰ্যক অসম চৰকাৰক ধিক্কাৰ আছুৰ। আছুৰ চৰাইদেউ জিলা সমিতিৰ সাধাৰণ সম্পাদক অনুপজ্যোতি ভূঞাই পলাশ চাংমাইক গ্ৰেপ্তাৰ কৰা কাৰ্যক তীব্ৰ ভাষাৰে গৰিহনা দি কয় যে অসমৰ কণ কণ ছাত্ৰ-ছাত্ৰীৰ হকে মাত মাতিবলৈ যাওঁতে অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সাধাৰণ সম্পাদকজনক গ্ৰেপ্তাৰ কৰাতো অতি লজ্জাজনক ঘটনা ৷ এই ঘটনাই চৰকাৰৰ জনবিৰোধী ফেচিষ্ট চৰিত্ৰ উদঙাই দেখুৱাইছে বুলি মত ব্যক্ত কৰিছে আছু নেতাজনে ৷ আনহাতে 'কা' আন্দোলনৰ বাবে ওলোৱা সদৌ অসম ছাত্ৰ সন্থাৰ কৰ্মীসকলক শ্বহীদ ন্যাসত আৱদ্ধ কৰি ৰখা কাৰ্যকো ধিক্কাৰ দিছে অনুপজ্যোতি ভূঞাই ৷