শিৱসাগৰঃ শিৱসাগৰৰ আমোলাপট্টিৰ নিবাসী জ্যেষ্ঠ অধিবক্তা, সমাজকৰ্মী দিলীপ কুমাৰ বৰুৱায়ে যোৱা ১৩ জানুৱাৰীত ডিব্ৰুগড়স্থিত অসম চিকিৎসা মহাবিদ্যালয়ত নিশা ১১ -২০ বজাত ৭৮ বছৰ বয়সত শেষ নিশ্বাস ত্যাগ কৰে । যোৱা ১৬ ডিচেম্বৰত সন্ধিয়া হঠাৎ এটি পথ দুৰ্ঘটনাত পতিত হৈ চিকিৎসাধীন অৱস্থাত আছিল ৷ অতি অমায়িক, বহু অনুষ্ঠানৰ সৈতে জড়িত থকা প্ৰয়াত বৰুৱাৰ মৃত্যুত শিৱসাগৰত শোকৰ ছাঁ পৰিছে ৷ শিৱসাগৰ আমোলাপট্টিস্থিত তেখেতৰ বাসগৃহত সন্ধিয়া ড০ মণি পাঠকে আঁত ধৰা এক শ্ৰদ্ধাঞ্জলি অনুষ্ঠানত শতাধিক ব্যক্তিৰ উপস্থিতিত শিৱসাগৰৰ বহুকেইটা অনুষ্ঠান-প্ৰতিষ্ঠান আৰু শিৱসাগৰৰ গণ্য-মান্য ব্যক্তিয়ে তেখেতক শেষ শ্ৰদ্ধাঞ্জলি জ্ঞাপন কৰে ৷ তেখেতৰ অন্তিম যাত্ৰাত ভাগ লয় ক্ৰমে - হিন্দু ধৰ্মসভা নামঘৰ, শিৱসাগৰ উকিল সন্থা, ৰংপুৰ সংগীত মঞ্চ, দৃশ্যপট শিৱসাগৰ, শিৱসাগৰ যুৱদল, ৰাজহংস ক্লাব-শিৱসাগৰ আৰু সাৰথি ক্লাব, অসম ব্ৰীজ এচোছিয়েশ্যন, শিৱসাগৰ জিলা ব্ৰীজ এচোছিয়েশ্যন, সদৌ অসম সন্মিলিত ব্ৰাহ্মণ পৰিষদ, জ্যেষ্ঠ নাগৰিক সন্থা, শিৱসাগৰ ৰটাৰী ক্লাব, সম্পীতি ক্লাব-শিৱসাগৰ, পাৰিজাত সংগীত বিদ্যালয়, শিৱসাগৰ জ্যোতি সংঘ , শিৱসাগৰ ব্ৰাহ্মণ সমাজ, বৃহত্তৰ শিৱসাগৰ প্ৰেছ ক্লাব, আমোলাপট্টি প্ৰাথমিক বিদ্যালয়, ৰামখা পীঠ দেৱালয়ৰ সদস্য, হিন্দু ধৰ্মসভা নামঘৰ মহিলা সমাজ, শিৱসাগৰ উন্নয়ন প্ৰাধিকৰণ আদিয়ে ৷ আনহাতে এক প্ৰেছ বাৰ্তাৰ যোগেদি সাংস্কৃতিক আৰু সামাজিকভাৱে যথেষ্ট সক্ৰিয় দিলীপ কুমাৰ বৰুৱাৰ বিয়োগত ’সাধাৰণ জাতি সুৰক্ষা সন্মিলন-অসম, কেন্দ্ৰীয় সমিতি’ৰ সভাপতি ক্ষীৰোদ কুমাৰ বৰদলৈ, সাধাৰণ জাতি মহিলা সন্মিলনৰ ৰাজ্যিক সাধাৰণ সম্পাদিকা গীতিমণি হাতীকাকতি, শিৱসাগৰ জিলা সাধাৰণ জাতি সুৰক্ষা সন্মিলন, সমন্বয় সাংস্কৃতিক গোষ্ঠীৰ সভাপতি জিতেন কাকতি, যুৱ সাংবাদিক সন্থা-অসম শিৱসাগৰ জিলাৰ সভাপতি তথা অধিবক্তা বিকাশ কুমাৰ, অসম নাট্য সন্মিলন-শিৱসাগৰ শাখায়ে গভীৰ শোক প্ৰকাশ কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিছে ৷
