ৰাজ্যৰ মুখ্যমন্ত্ৰীৰ আনুষ্ঠানিক বৃক্ষ ৰোপন আচনিৰ অন্তৰ্গত "শ্যামলী চৌহদ" কাৰ্যসূচীৰ লগত সংগতি ৰাখি জামুগুৰিহাটৰ ত্যাগবীৰ হেমবৰুৱা মহাবিদ্যালয়ত বৃক্ষৰোপন কাৰ্যসূচী ৰূপায়ন কৰা হয়। মহাবিদ্যালয়খনৰ অধক্ষ্য অজিত হাজৰিকাই শুভাৰম্ভ কৰা এই কাৰ্যসূচীৰ পাছত মহাবিদ্যালয়খনৰ ছাত্ৰ-ছাত্ৰী শিক্ষক কৰ্মচাৰীৰ লগতে স্থানীয় ৰাইজে মহাবিদ্যালয় খনৰ চৌহদত সৰ্বমুঠ ৭৫ জোপা ফলমুলৰ লগতে বিভিন্ন গছৰ পুলি ৰোপন কৰে।মহাবিদ্যালয়ৰ পৰিবেশ আৰু জলবায়ু কোষৰ দ্বাৰা এই কাৰ্যসূচী ৰূপায়ন কৰা হয়। সমগ্ৰ অসমতে যোৱা ১৫ জুলাইৰ পৰা আৰম্ভ হোৱা এই কৰ্মসূচী অহা ১৫ আগষ্টলৈকে অব্যাহত থাকিব।