ડીસાના છત્રાલા ગામ પાસેથી 5 લાખનો વિદેશી દારૂ ઝડપી પાડતી બનાસકાંઠા LCB પોલીસ..

બનાસકાંઠા જિલ્લો રાજસ્થાન ની સરહદને અડીને આવેલો જિલ્લો છે. આ જિલ્લામાંથી ગેરકાયદેસર રીતે વિદેશી દારૂની હેરાફેરી થતી હોવાની ઘટનાઓ સામે આવી રહી છે, વધુ એક ઘટનામાં બનાસકાંઠા એલસીબી પોલીસે ડીસાના છત્રાલા નજીક થી ગેરકાયદેસર વિદેશી દારૂ ભરેલા જીપ ડાલા ને ઝડપી દારૂ સહીત રૂપિયા 5.77 લાખ ઉપરાંતનો મુદ્દામાલ જપ્ત કર્યો હતો, જોકે જીપ ડાલા ચાલક ફરાર થઈ ગયો હતો..

બનાસકાંઠા જિલ્લો રાજસ્થાન થી ગુજરાત માં પ્રવેશ કરવાનો પ્રવેશ દ્વાર છે અને તેના લીધે આ જીલ્લામાંથી વિદેશી દારૂની ખુબ જ મોટા પ્રમાણમાં હેરાફેરી થઇ રહી છે, ડીસા તાલુકાના છત્રાલા થી રાણપુર તરફ એક દારૂ ભરેલી ગાડી આવી રહી હોવાની બાતમી LCB પોલીસને મળી હતી જેથી છત્રાલા ગામ નજીક બનાસકાઠા LCB પીઆઈ એ.વી. દેસાઈ ની સૂચનાથી ટીમે નાકાબંધી ગોઠવી હતી, ત્યારે પોલીસે પસાર જીપડાલા ને અટકાવતા તેનો ચાલક ડાલું મૂકી નાસી છૂટ્યો હતો, પોલીસે જીપ ડાલાની તપાસ લેતાં તેમાં 1523 બોટલ વિદેશી દારૂ અને બિયર મળી આવ્યો હતો, જેની કિંમત રૂપિયા 2,77,860 રૂપિયાની થાય છે, પોલીસે આ ઘટનામાં દારૂ સહિત રૂપિયા 3 લાખનું જીપડાલું મળી કુલ રૂપિયા 5,77,860 નો મુદ્દામાલ જપ્ત કર્યા બાદ કાયદેસરની કાર્યવાહી કરી વધુ તપાસ હાથ ધરી છે..