સિદ્ધપુર એસટી ડેપોના વર્કશોપમાં ગુરુવારે બપોરે જામપુર ગામના 95 વર્ષીય વૃદ્ધનું એસટી બસના ટાયરમાં આવી જતા મોત નીપજ્યું હતું. આ અંગે મૃતકના પૌત્રે સિદ્ધપુર પોલીસ મથકે બસ ચાલક સામે ફરિયાદ નોંધાવી હતી.

કાંકરેજ તાલુકાના જામપુર ગામે રહેતા બાબુભાઈ ઝવેરામ જોષી ઉંમર વર્ષ 95 તેઓ થરાદથી બસ મારફતે સિદ્ધપુર આવ્યા હતા. એસટી બસના વર્કશોપમાં થઈ પસાર થઈ રહ્યા હતા તે વખતે ડીઝલ પંપ ઉપર વર્કશોપનો કર્મચારી બસમાં ડીઝલ પુરાવી બસને રિવર્સ લઈ મૂળ સ્થળે મૂકવા માટે જઈ રહ્યો હતો.

તે વખતે રિવર્સ લેતી વખતે પાછળના ટાયર નીચે વૃદ્ધ આવી જતા ગંભીર ઇજાના કારણે મોત થયું હતું. આ અંગે મૃતકના પૌત્ર પ્રેમશંકર જયંતીલાલ જોષીએ સિદ્ધપુર પોલીસ મથકે બસ (જીજે-18-ઝેડ-3046)ના ચાલક સામે ફરિયાદ નોંધાવી હતી તેની તપાસ અધિકારી પી.એસ.આઇ. પી.એમ.મકવાણાએ હાથ ધરી હતી.