ওদালগুৰি জিলাৰ মাজবাটৰ অসম-অৰুণাচল সীমান্তৰ নিজৰা অঞ্চলত সংঘটিত হৈছে এক কৰুণ ঘটনা। মাজবাট আৰক্ষী থানাৰ অন্তৰ্গত নিজৰা অঞ্চলৰ কমলাবাৰীত বনৰীয়া হাতীৰ আক্ৰমণত নিহত হৈছে এটা পৰিয়ালৰে ৩ জনকৈ লোকৰ।
নিহত লোক তিনিজন নবীন বড়ো (৫৭), যামিনী বড়ো (৩৭) আৰু হাদানশ্বা বড়ো (১ বছৰ ৬ মাহ) বুলি চিনাক্ত কৰা হৈছে।
জানিব পৰা মতে, নিশা বনৰীয়া হাতীয়ে শুই থকা অৱস্থাত আক্ৰমণ চলাই পৰিয়ালটোক। বনাঞ্চলৰ পৰা ওলাই অহা হাতীটোৱে ঘৰ-বাৰি ভাঙি তহিলং কৰাৰ লগতে আক্ৰমণ চলাই পৰিয়ালটোক।
ইফালে হাতীৰ আক্ৰমণৰ পৰা কথমপি প্ৰাণ ৰক্ষা পৰে পৰিয়ালটোৰ নিজৰা বড়ো নামৰ এগৰাকী ৭ বছৰীয়া শিশুৰ।
