ডিব্ৰুগড় জিলাৰ টিংখাং বিধানসভা সমষ্টিৰ অন্তৰ্গত ৰাধা গ্ৰান্ত,দুলীয়াবাম, নতুন ভৰালী,ডিৰাই চাহ বাগিচা, ৰাজগড় চাহ বাগিচা ৰ নৱ নিৰ্মিত আদৰ্শ অংগনৱাড়ী কেন্দ্র উদ্বোধন কৰে টিংখাং সমষ্টিৰ বিধায়ক তথা কেবিনেট মন্ত্ৰী বিমল বৰাই। এই অংগনৱাড়ী কেন্দ্ৰত শিশুসকলৰ লগতে প্ৰসূতি মাতৃ সকলৰ স্বাস্থ্যৰ যতন লোৱা হয়। শিশুসকলক এই কেন্দ্ৰসমূহৰ জৰিয়তে সর্বতোপকাৰৰ জ্ঞানৰ ধাৰণা দি উচ্চ শিক্ষা গ্ৰহণৰ বাবে উপযুক্ত কৰি গঢ়ি তোলা হয়। অনুষ্ঠান সমাজ কল্যাণ বিভাগৰ জিলা বিষয়া দুদু দত্ত, মৰাণ ৰাজহ চক্ৰ বিষয়া, টিংখাং ৰাজহ চক্ৰ বিষয়া, টিংখাং উন্নয়ন খণ্ড বিষয়া ৰ লগতে বিভিন্ন বিষয়া কৰ্মচাৰী আৰু সন্মানীয় ব্যক্তি সকল উপস্থিত থাকে।