પાલનપુર-અંબાજી માર્ગ પર કાર અને બાઈક વચ્ચે અકસ્માત સર્જાતા ત્રણ વ્યક્તિઓને ઇજાઓ પહોંચી હોવાની ઘટના સામે આવી છે. જેમાં બનાવના પગલે ઘટનાસ્થળે લોકોના ટોળેટોળા એકત્ર થયા હતા અને અકસ્માતમાં ઈજાગ્રસ્ત વ્યક્તિને નજીકના હોસ્પિટલ ખસેડવામા આવ્યા હતા. પોલીસ આગળની તપાસ હાથ ધરી છે.
બનાસકાંઠા જીલ્લામાં અકસ્માતનો સીલસીલો યથાવત જોવા મળી રહ્યો છે. જેમાં પાલનપુર-અંબાજી માર્ગ આવેલા મેરવાડા ગામ નજીક બાઈક અને કાર વચ્ચે અકસ્માત સર્જાયો હતો. જેમાં અકસ્માતના કારણે ત્રણ લોકોને ગંભીર ઇજાઓ પહોંચી હતી. અકસ્માત થતા ઘટનાસ્થળે લોકોના ટોળેટોળા એકઠા થયા હતા અને પોલીસ ને જાણ કરી હતી.
આ બનાવના પગલે પાલનપુર તાલુકા પોલીસ તાત્કાલિક ઘટનાસ્થળે દોડી પહોચી ઇજાગ્રસ્ત વ્યક્તિઓને સારવાર માટે નજીક હોસ્પિટલ ખસેડી આગળની કાર્યવાહી હાથ ધરી છે. અકસ્માત ગાડી પલ્ટી મારીને રોડની સાઇડમાં ખાબકી હતી અને બાઇકને પણ મોટુ નુકશાન પહોંચ્યું હતું.
