শিৱসাগৰঃ শিৱসাগৰ জিলা যুৱ সাংবাদিক সন্থাৰ নতুন সমিতিখন এখন সভাৰ জৰিয়তে গঠন কৰা হয় ৷ শিৱসাগৰৰ বিশিষ্ট অধিবক্তা তথা জ্যেষ্ঠ সাংবাদিক বিকাশ কুমাৰৰ বাসগৃহত ২১ অক্টোবৰ, সোমবাৰে তেখেতৰ পৌৰহিত্যত যুৱ সাংবাদিক সন্থা-অসম, শিৱসাগৰ জিলা সমিতিৰ এখন জৰুৰী বৈঠক অনুষ্ঠিত হয় ৷ বৈঠকত উদ্দেশ্য ব্যাখ্যা আগবঢ়াই সন্থাৰ শিৱসাগৰ জিলাৰ তত্ত্বাৱধায়ক অমৃত কুমাৰ শৰ্মা য়ে ৷ উক্ত সভাতেই বিভিন্ন আলাপ আলোচনাৰ অন্তত অমৰজ্যোতি দত্ত, অজিত গগৈ(অধিবক্তা), সমুদ্ৰজিৎ গগৈক উপদেষ্টা, জ্যেষ্ঠ সাংবাদিক বিকাশ কুমাৰক সভাপতি, অমৃত কুমাৰ শৰ্মাক সাধাৰণ সম্পাদক, বিজয়ৰবি কাশ্যপ আৰু অভিনৱ দেৱ কাশ্যপক সহকাৰী সম্পাদক হিচাপে লৈ যুৱ সাংবাদিক সন্থা-অসমৰ শিৱসাগৰ জিলা সমিতিখন নতুনকৈ গঠন কৰা হয় ৷ জৰুৰী সভাত কেইবাটাও প্ৰস্তাৱ গ্ৰহণ কৰা হয় ৷ আনহাতে নৱ-নিৰ্ৱাচিত সভাপতি বিকাশ কুুমাৰে সাংবাদিক সন্থাৰ আগন্তুক কাৰ্য্যসূচীসমূহ সু-পৰিকল্পিতভাৱে আগবঢ়াই নিয়াৰ ক্ষেত্ৰত জিলাখনৰ সকলো সংবাদকৰ্মীৰ সক্ৰিয় সহায়-সহযোগিতা কামনা কৰে ৷
