“સ્વચ્છતા હી સેવા-૨૦૨૪” અંતર્ગત સુરેન્દ્રનગર જિલ્લાના જુદા – જુદા તાલુકાઓમાં શાળાના બાળકો દ્વારા ચિત્ર સ્પર્ધા, નિબંધ સ્પર્ધા, વકતૃત્વ સ્પર્ધા, ક્વિઝ, રંગોળી જેવી સ્પર્ધા થકી “આવો બનીએ સ્વચ્છાગ્રાહી...”નો સંદેશ પાઠવવામાં આવ્યો હતો.જેમાં જિલ્લાના લખતર તાલુકાના તલસાણા ગામની શાળામાં, ધ્રાંગધ્રા તાલુકાનાં બાવળી ગામની શાળામાં, દસાડા તાલુકાનાં અંબાળા ગામની શાળામાં, ચોટીલા તાલુકાના ઝીંઝુડા ગામની શાળામાં સ્વચ્છતા અંગેની ચિત્ર સ્પર્ધા, નિબંધ સ્પર્ધા,વકૃત્વ સ્પર્ધા, ક્વીઝ, રંગોળી જેવી સ્પર્ધા યોજાઈ હતી. તદુપરાંત શાળા અને તેની આસપાસ સાફ સફાઈ હાથ ધરી, આસપાસના વિસ્તારને તેમજ શાળા પ્રાંગણને સ્વચ્છ અને સુઘડ બનાવાયું હતું.