চৰাইদেউ জিলাৰ মাহমৰা সমষ্টিৰ মিলন গাওঁপঞ্চায়তৰ অন্তৰ্গত খনিকৰ লুখুৰাখন গাঁৱত অসম চৰকাৰৰ সমাজকল্যাণ বিভাগৰ ২০২১-২০২২ বৰ্ষৰ অধীনত মাহমৰা উন্নয়ন খণ্ডৰ তত্বাৱধানত প্ৰায় ২৫ লাখ টকাৰ ব্যয়ৰে সাজি উলিওৱা আদৰ্শ অংগনৱাদী কেন্দ্ৰ শুভউদ্বোধন কৰে অসম চৰকাৰৰ কেবিনেট মন্ত্ৰী যোগেন মহনে। এই শুভউদ্বোধন কাৰ্যসূচীত চৰাইদেউ জিলাৰ মাহমৰা উন্নয়ন খণ্ডৰ খণ্ড উন্নয়ন বিষয়া সুনাম দাস, সমাজ কল্যাণ বিভাগৰ বিষয়া, মিলন গাওঁপঞ্চায়তৰ সভাপতি নৱ বৰুৱাৰ লগতে মাহমৰা সমষ্টিৰ কেইবাটাও পঞ্চায়তৰ সভাপতি, সভানেত্ৰীৰ লগতে কেইবাগৰাকী বিষয়া উপস্থিত থাকে। এই আদৰ্শ অংগনৱাদী কেন্দ্ৰৰ শুভউদ্বোধন কৰি মন্ত্ৰী যোগেন মহনে এই কেন্দ্ৰৰ যোগেদি অঞ্চলটোৰ শিশুসকল সু নাগৰিক হোৱাত সহায় কৰিব বুলি আশা প্ৰকাশ কৰে