স্বাধীনতা দিৱসৰ লগত সংগতি ৰাখি ডিব্ৰুগড় জিলাৰ সংখ্যালঘু ছাত্ৰ ইউনিয়ন তথা আমছুৰ মহিলাকোষৰ সহযোগত আজি চাউলখোৱাত অনুষ্ঠিত কৰা হয় বিনামূলীয়া চকু আৰু স্বাস্থ্য শিবিৰ। চাউলখোৱা লৰা মাদ্ৰাছাত অনুষ্ঠিত হোৱাৰ চিকিৎসা শিবিৰত অঞ্চলটোৰ দুশ পুৰুষ - মহিলা, বৃদ্ধ-বৃদ্ধাই বিনামূলীয়া চিকিৎসা শিবিৰত চিকিৎসা গ্ৰহন কৰে।আমছু ডিব্ৰুগড় জিলাৰ মহিলাকোষৰ সভানেত্ৰী পাৰবিন আলী , মানকটা পঞ্চায়তৰ সভাপতি দীপামণি হাজৰিকা, চৰকাৰী গাওঁবুুঢ়া ৰুবুল আলি, আমছুৰ ডিব্ৰুগড় জিলাৰ কাৰ্যকৰী সভাপতি আব্দুল ৰছিদকে ধৰি  অন্য কেইবাগৰাকী বিষয়-ববীয়াই চিকিৎসা শিবিৰত অংশগ্ৰহণ কৰি সহযোগিতা আগবঢ়ায়। ডিব্ৰুগড়ৰ স্বাস্থ্য বিভাগৰ পৰা অহাৰ চিকিৎসক, নাৰ্ছৰ উপস্থিতিত চিকিৎসা শিবিৰ সম্পন্ন কৰা হয়।