પાટડી તાલુકામાં રહેતા પરિવારની નવ વર્ષની બાળકી વર્ષ ૨૦૧૬માં પોતાની માતા સાથે ધ્રાંગધ્રા આવી હતી. ત્યારે થાનમાં રહેતા મહંમદહુશેન શેખે બાળકીને નવા કપડા અને ચોકલેટ આપવાની લાલચ આપી ધ્રાંગધ્રાના નવયુગ સિનેમા પાસે આવેલી અવાવરૃ જગ્યાએ લઈ જઈ દુષ્કર્મ આચર્યું હતું. જે અંગે બાળકીએ માતા-પિતાને જાણ કરતા બાળકીના પિતાએ ધ્રાંગધ્રા સિટી પોલીસ મથકે ફરિયાદ નોંધાવી હતી. જેથી પોલીસે પોક્સો એક્ટ હેઠળ ગુનો નોંધી દુષ્કર્મ આચરનાર શખ્સને ઝડપી પાડી કાયદેસરની કાર્યવાહી હાથ ધરી હતી.  જે અંગેનો કેસ તાજેતરમાં ધ્રાંગધ્રા એડિશ્નલ સેશન્સ જજ એમ.પી.ચૌધરીની કોર્ટમાં ચાલી જતા સરકારી વકીલની દલીલો અને પુરાવાઓના આધારે કોર્ટે દુષ્કર્મ આચરનાર મહંમદહુશેન શેખને તકસીરવાન ઠેરવી આજીવન કેદની સજા અને રોકડ રૃા.૧૦,૦૦૦નો દંડ કર્યો હતો.