সমগ্র দেশে আজি ৭৬ সংখ্যক স্বাধীনতা দিৱসটি 'আজাদী কা অমৃত মহোৎসৱ' হিচাপে উদযাপন কৰিছে। বিভিন্ন অনুষ্ঠান - প্ৰতিষ্ঠানৰ লগতে ৱাৰিৱৰ্ছ মাজুলী জিলা সমিতিয়ে ৭৬ সংখ্যক স্বাধীনতা দিৱস উপলক্ষ্যে বিভিন্ন কাৰ্য্যসূচী ৰূপায়ণ কৰে। কাৰ্যসূচী অনুসৰি পুৱা ৭ বজাত জিলাৰ কাৰ্যালয়ৰ লগতে নয়াবজাৰ আৰু ৰাৱনাপাৰ আঞ্চলিকত পতাকা উত্তোলন কৰা হয় । ইয়াৰ পাছতে জেংৰাইমুখ চিকিৎসালয়ত গছপুলি ৰোপন কাৰ্যসূচী ৰূপায়ণ কৰা হয় । গছপুলি ৰোপণ কৰে জেংৰাইমুখ চিকিৎসালয়ৰ চিকিৎসক ডাঃ চুধীন শৰ্মা , মিহিৰ দাস আৰু সঞ্জয় ৰাজবংশী। অন্যহাতে মাজুলী শ্ৰী শ্ৰী পীতাম্বৰ দেৱগোস্বামীৰ অসামৰিক চিকিৎসালয় আৰু জেংৰাইমুখ হস্পিটেলত থকা ভৰ্তি হৈ থকা প্ৰসূতিসকলৰ মাজত চেনিটেৰী নেপকিন বিতৰণ কৰা হয় । আজিৰ কাৰ্যসূচীসমূহত উপস্থিত থাকে জিলাৰ উপদেষ্টা অপূৰ্ব বেজ, সভানেত্ৰী মধুস্মিতা বৰা, সম্পাদিকা জ্যোৎস্না দাস, সাংগঠনিক সম্পাদিকা ৰীতুমণি গগৈ , বিত্ত সম্পাদিকা ৰশ্মি ৰেখা হাজৰীকা, গড়মূৰ আঞ্চলিকৰ জন সংযোগ সম্পাদক কিৰণ দত্ত, সদস্য প্ৰাঞ্জল শইকীয়া, সদস্যা ৰীনা কলিতা , নয়াবজাৰ আঞ্চলিকৰ সভাপতি সূৰ্যকুমাৰ বৰা, সম্পাদিকা মিন্টুমণি দাস আগৰৱালা, জনসংযোগ সম্পাদিকা পিংকি খনিকৰ ।