પાવી ગરનાળા પાસેથી ૨,૨૨,૭૫૦/- ના વિદેશી દારૂ સાથે કારને પકડી પાડતી પાવીજેતપુર પોલીસ : આરોપી કાર મૂકી ફરાર
પાવીજેતપુર પોલીસે પાવી ગરનાળા પાસેથી એક કારમાં ૨,૨૨,૭૫૦/- નો વિદેશી દારૂ ભરી જતી હોય જેને વાહન ચેકિંગમાં અટકાવી પીછો કરી પકડી પાડી હતી. જ્યારે આરોપી કારને ઝાડ સાથે અથાડી ભાગી ગયો હતો.
પાવીજેતપુર પોલીસ પાવી ગરનાળા પાસે વાહન ચેકીંગમાં હતી તે દરમ્યાન કલાક:૧૦/૩૦ વાગ્યે એક સફેદ કલરની ફોરવ્હીલ ગાડી નંબર વગરની શંકાસ્પદ તેજગઢ તરફથી આવતા તેને ઉભી રાખવાનો ઈશારો કરતા તેના ચાલકે ગાડી ઉભી રાખેલ નહી અને પાછી વાળી ફુલ સ્પીડે પાવી ગામની સીમના કાચા રસ્તે થઈ ભાગવા લાગતા પોલીસે તેનો પીછો કરતા, ગાડીનો ચાલક તેની ગાડી ઉપરનો કાબુ ગુમાવતા તેની ગાડી કાચા રસ્તાની સાઈડમાં લીમડાના ઝાડ સાથે અથાડી, ગાડી ચાલક પોતાની ગાડી સ્થળ ઉપર છોડી રસ્તાની બાજુમાં આવેલ ઝાડી ઝાંખરાનો તથા વરસાદનો લાભ લઇ ભાગી ગયેલ, જેની પાવીજેતપુર પોલીસે આજુ-બાજુ તપાસ કરતા મળી આવેલ નહી.
પાવીજેતપુર પોલીસે ગાડી જોતા સફેદ કલરની ફોરવ્હીલ હોય જેનો આગળ-પાછળ આર.ટી.ઓ રજી.નંબર લગાડેલ ન હોય જે ગાડીને ખોલી તપાસ કરતા ગાડીની પાછળની ડિકીમાં તથા વચ્ચેની સીટમાં જોતા ખાખી કલરના પુઠાના બોક્ષ મુકેલ હોય જે દરક બોક્ષમાં ભારતીય બનાવટનો વિદેસી દારૂ ભરેલ બોટલો હતી . પરંતુ ફુલ વરસાદ પડતો હોવાથી પ્રોહી મુદ્દામાલ સાથે ગાડીને પાવીજેતપુર પોલીસ સ્ટેશને લાવી, ગાડીને ખોલી જોતા તેમા ખાખી કલરના પુઠાના બોક્ષસ નંગ-૩૩ મુકેલ હોય જે દરેક બોક્ષમાં ભારતીય બનાવટના વિદેશી દારૂ પ્લાસ્ટિકના ૧૮૦ મિ.લી. ની કુલ બોટલો નંગ-૧,૬૫૦ જેની કિ.રૂ. ૨,૨૨,૭૫૦/-તથા પ્રોહી મુદામાલની હેરાફેરીમાં વપરાયેલ સફેદ કલરની આર.ટી.ઓ રજી.નંબર વગરની ગાડીની કિ. રૂ.૩,૦૦,૦૦૦/-મળી કુલ કિ.રૂ. ૫,૨૨,૭૫૦/- ના પ્રોહી મુદામાલની હેરાફેરી દરમ્યાન પોલીસના માણસોને જોઈ ગાડી તથા પ્રોહિ મુદ્દામાલ જગ્યા ઉપર છોડી નાશી જઈ ગુનો કરેલ હોઈ, જેના વિરુદ્ધ પાવીજેતપુર પોલીસ સ્ટેશનમાં ગુનો નોંધી કાયદેસર કાર્યવાહી હાથ ધરવામાં આવી છે.
આમ, પાવી ગરનાળા પાસે વાહન ચેકિંગ દરમિયાન પાવીજેતપુર પોલીસે ૨,૨૨,૭૫૦/- નો વિદેશી દારૂ તેમજ એક કાર ૩,૦૦,૦૦૦/- ની કિંમતની મળી કુલ ૫,૨૨,૭૬૦/- નો મુદ્દામાલ ઝડપી પાડ્યો છે. જ્યારે આરોપી પોલીસને નિહાળી ભાગી જવામાં સફળ થયો હતો.
