১০৯ নং বিহপুৰীয়া সমষ্টিৰ বিধায়ক অমিয় কুমাৰ ভূঞাৰ দক্ষতা বিকাশ সমিতিৰ উদ্যোগত ভাৰত চৰকাৰৰ অগ্নিপথ আচঁনিৰ অধীনস্থ অগ্নিবীৰ প্ৰশিক্ষন কৰ্মশালাৰ প্ৰশিক্ষাৰ্থী আৰু প্ৰশিক্ষকসকলক সম্বদ্ধনা জনোৱা হয় ৷ নাৰায়ণপুৰস্থিত দেউৰী গেষ্ট হাউচত অনুষ্ঠিত সভাখনত স্থানীয় বিধায়কগৰাকীয়ে সকলোকে এখন ফুলাম গামোছা আৰু এখন সম্বদ্ধনা পত্ৰৰে সন্মানিত কৰে ৷ দক্ষতা বিকাশ সমিতিৰ হৈ মাখন তামুলীয়ে আঁত ধৰা সভাখনত উপস্থিত থাকে দেউৰী পৰিষদৰ অধ্যক্ষ বিষ্ণু কুমাৰ দেউৰীৰ লগতে বিজেপি দলৰ বীৰেন ভাগৱতী , খগেন হাজৰিকা , কৃষ্ণ শইকীয়া ৷ প্ৰশিক্ষাৰ্থীসকলে সভাখনত নিজৰ অভিমত প্ৰকাশ কৰি কয় এনে প্ৰশিক্ষণ গ্ৰহণৰ জৰিয়তে ভৱিষ্যতৰ দিনত অগ্নিবীৰ অথবা আৰক্ষী বাহিনীত সেৱা কৰাৰ সুবিধা লাভ কৰিবলৈ সক্ষম হ’ব ৷ উল্লেখ্য যে সমষ্টিটোৰ বিহপুৰীয়া , নাৰায়ণপুৰ আৰু পথালিপাহাৰত অনুষ্ঠিত হৈছিল এই প্ৰশিক্ষণ কৰ্মশালা ৷