হোজাইত জল জীৱন মিচনৰ কাম দেখিলে চকু কপালত উঠিব আপোনাৰ। জল জীৱন মিছনৰ ঠিকাদাৰ সকলৰ বাবে এতিয়া আঁচনিটো হৈ পৰিছে ধন জীৱন আচনিলৈ। বিভাগৰ বিষয়া সকলে চকু মুদি থকাৰ বাবে ঠিকাদাৰে নিজৰ খেৱাল খুচিমতে কাম কৰি চলাই আছে লুণ্ঠন। এই দৃশ্য হোজাই উত্তৰ বিদ্যানগৰ পানী যোগান আঁচনিৰ। আঁচনিটোৰ পৰা ঘৰে ঘৰে পানী দিবলৈ সংযোগ কৰা হৈছে পাইপ। পিছে পাইপৰ পৰা পানী নিৰ্গত নোহোৱাত এতিয়া ৰাইজে পাইপত যদি কাপোৰ শুকুৱাইছে আকৌ কৰবাত ৰছীৰে পাইপবোৰ বান্ধি ৰাখিছে। ইফালে আঁচনিৰ পৰা অহা মূল পাইপৰ আকাৰো নিৰ্ধাৰিত কৰা আকাৰতকৈ সৰু লগতে দকৈ পাইপবোৰ দিব লাগিছিল যদিও যেনেতেনে পথৰ সমানকৈ পাইপবোৰ দিয়াত এতিয়া পাইপবোৰ এনেদৰে পথৰ কাষতে আছে উন্মুক্ত অৱস্থাত। ফলত উক্ত ঠিকাদাৰৰ এই দুৰ্নীতিৰ বিৰুদ্ধে তদন্ত কৰি ব্যৱস্থা লোৱাৰ ৰাইজে জনাইছে দাবী।