धानोरे ता. शिरुर येथील संदीप भोसुरे हे सायंकाळच्या सुमारास भीमा नदीकडे गेलेले असताना त्यांना नदीच्या पाण्यामध्ये एका इसमाचा मृतदेह तरंगत असताना दिसून आले, घटनेची माहिती मिळताच शिक्रापूर पोलिसांनी सदर ठिकाणी जात पंचनामा करून मृतदेह पाण्याबाहेर काढला यावेळी आजूबाजूला चौकशी केली असता सदर इसमाबाबत काहीही माहिती मिळू शकली नाही, सदर इसम अंदाजे ३० ते ३५ वर्षे वयाचा असून त्याच्या अंगावर अंडरवेअर व्यतिरिक्त काहीही कपडे नाही, त्याचे केस काळे, दाढी वाढलेली, उभट चेहरा असे वर्णन असून या इसामाबाबत कोणासही काही माहिती असल्यास शिक्रापूर पोलिसांशी ९८२२१७३४११ या क्रमांकावर संपर्क करण्याचे आवाहन शिक्रापूर पोलिसांनी केले आहे. तर याबाबत पोलीस पाटील स्वप्नील कैलास झगडे वय ३२ वर्षे रा. धानोरे ता. शिरुर जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून पुढील तपास पोलीस हवालदार अमोल चव्हाण हे करत आहे.