কাইলৈ দেশবাসীয়ে অনুষ্ঠিত কৰিব  স্বাধীনতা দিৱস।  স্বাধীনতা দিৱস উদযাপনৰ বাবে দেশযুৰি  ব্যাপক  প্ৰস্তুতি দেখিবলৈ পোৱা গৈছে । বিশেষকৈ হৰ ঘৰ  ত্ৰিৰংগা কাৰ্যসূচী ৰূপায়ণ কৰিবলৈ তৎপৰ  হৈছে কেন্দ্ৰীয় আৰু ৰাজ্য  চৰকাৰ  । দেশে স্বাধীনতাৰ ৭৫ তম বৰ্ষত অতিক্ৰম কৰা উপলক্ষে দেশবাসীয়ে পালন কৰিব আজাদী কা অমৃত মহোৎসৱ। এই আজাদী কা অমৃত মহোৎসৱ’ৰ লগত সংগতি ৰাখি আজি পুৱা মৰাণত মৰাণ ৰাজহ চক্ৰৰ উদ্যোগত মৰাণ চাইক্লিং ক্লাৱ আৰু ৰাইজৰ সহযোগত মৰাণৰ   ৰাজপথত অনুষ্ঠিত হয় বৃহৎ চাইকেল ৰেলী।  এই চাইকেল ৰেলীত অংশগ্ৰহণ কৰে মৰাণ সমষ্টিৰ বিধায়ক চক্ৰধৰ গগৈ, মৰাণ ৰাজহ চক্ৰৰ চক্ৰ বিষয়া শ্ৰাৱনা সোনোৱাল, মৰাণ আৰক্ষীৰ চক্ৰ পৰিদৰ্শক শিদ্ধেশ্বৰ বড়োৰ লগতে মৰাণৰ কেইবা শতাধিক যুৱক-যুৱতীয়ে।  এই ৰে'লীত অংশগ্ৰহণ কৰি মৰাণত বিধায়ক চক্ৰধৰ গগৈয়ে শান্তিপূৰ্ণ  ভাৱে স্বাধীনতা দিৱস উদযাপন কৰিবলৈ সকলোকে আহ্বান জনায়