স্বাধীনতাৰ অমৃত মহোৎসৱৰ লগত সংগতি ৰাখি আজি পুৱাই শিৱসাগৰ জিলা প্ৰশাসনৰ উদ্যোগত অনুষ্ঠিত কৰা হয় মিনি মাৰাথান প্ৰতিযোগিতা। শিৱসাগৰৰ ঐতিহাসিক বৰপুখুৰীৰ পাৰত অনুষ্ঠিত কৰা হয় এই মিনি মাৰাথান প্ৰতিযোগিতা। শিৱসাগৰ বাণিজ্য মহাবিদ্যালয়ৰ সন্মুখত পৌৰসভাৰ পৌৰনেত্ৰী মৃণালি কোঁৱৰে ল'ৰা শাখাৰ আৰু অতিৰিক্ত উপায়ুক্ত বিতুপন নেওগে ছোৱালী শাখাৰ ফ্লেগ অফ কৰি আৰম্ভ কৰা মিনি মাৰাথান প্ৰতিযোগিতা খনিত জিলাখনৰ বহু সংখ্যক বিদ্যালয়ৰ ৫ শতাধিক ছাত্ৰ ছাত্ৰীয়ে অংশগ্ৰহণ কৰে। প্ৰথম দ্বিতীয় আৰু তৃতীয় স্থান লাভ কৰা প্ৰতিযোগী সকলক নগদ ধনেৰে পুৰস্কিত কৰা হয়্। যি সকল প্ৰতিযোগীয়ে স্থান লাভ নকৰিলেও দৌৰ সম্পূৰ্ণ কৰে তেওঁলোকক মান পত্ৰ প্ৰদানেৰে উৎসাহিত কৰে ।
