সদৌ অসম ছাত্ৰ সন্থাৰ ৰহা আঞ্চলিক সমিতিৰ উদ্যোগত আৰু ৰহা টাউন শাখা ছাত্ৰ সন্থা ৰ সহযোগত অহা ৬জুলাইত বিশেষ অভিনন্দন অনুষ্ঠানৰ ব্যাপক প্ৰস্তুতি চলাই থকা হৈছে।
ৰহা আঞ্চলিক ছাত্ৰ সন্থা ৰ সভাপতি সঞ্জয় কুমাৰ কাকতি, সম্পাদক ভাৰত বৰুৱা, শিক্ষা সম্পাদক ভৱ সিন্ধু বৰঠাকুৰ আৰু ৰহা টাউন শাখা ছাত্ৰ সন্থা ৰ ভাৰপ্ৰাপ্ত সভাপতি মনোজ কুমাৰ বৰা,সাধাৰন সম্পাদক মৃগাংক বৰা আৰু শিক্ষা সম্পাদক বিশাল দে জানিব দিয়া অনুসৰি অহা ৬জুলাইত ৰহা মীন মহাবিদ্যালয় ত অনুষ্ঠিত হব লগা অভিনন্দন অনুষ্ঠানত হাইস্কুল শিক্ষান্ত আৰু উচ্চতৰ মাধ্যমিক চুড়ান্ত পৰীক্ষাৰ কলা,বিজ্ঞান আৰু বানিজ্য বিভাগত সু খ্যাতিৰে উওিৰ্ন হৈ ৰহা আঞ্চললৈ গৌৰৱ কঢিয়াই অনা মেধাবী ছাত্ৰ ছাত্ৰী সকলক অভিনন্দন জনোৱাৰ লগতে হাইস্কুল শিক্ষান্ত আৰু উচ্চতৰ মাধ্যমিক চুড়ান্ত পৰীক্ষাত বিশেষ পাৰদৰ্শিতা লাভ কৰা শিক্ষানুষ্ঠান সমূহৰ মূৰব্বী সকলকো সম্বৰ্ধনা জনোৱা হব।
বিশেষ অভিনন্দন অনুষ্ঠানৰ উদ্বোধন ৰহা মহাবিদ্যালয় ৰ অধ্যক্ষ ড° বেদ কুমাৰ চলিহাই কৰাৰ লগতে মুখ্য অতিথি ৰূপে সদৌ অসম ছাত্ৰ সন্থা ৰ সভাপতি উৎপল শৰ্মা, নিদিষ্ট বক্তা ৰুপে ND24ৰ মুখ্য সম্পাদক ৰাজদ্বীপ বাইলুং বৰুৱা, আমন্ত্ৰিত অতিথি ৰূপে ৰহা মীন মহাবিদ্যালয় ৰ ডীন ড° প্ৰদীপ চন্দ্ৰ ভূঞা, বিশিষ্ঠ অতিথি ৰূপে সদৌ অসম ছাত্ৰ সন্থা ৰ বিও সম্পাদক গৌৰী শংকৰ শইকীয়া,কাৰ্যনিৰ্বাহক সদস্য মৃগাংক শেখৰ ভৰালী হাজৰিকা,নগাঁও জিলা ছাত্ৰ সন্থা ৰ উপদেষ্টা মৃদুল হাজৰিকা,সভাপতি সীমান্ত বৰা আৰু সাধাৰণ সম্পাদক কংকন জ্যোতি বৰুৱা উপস্থিত থাকিব।
