অহা ২৭জুনত এদিনীয়া কাৰ্য্যসূচীৰে ৰহা ক্ৰীড়া সন্থাৰ প্ৰেক্ষাগৃহ ত ৰহা শাখা জ্যেষ্ঠ নাগৰিক সন্মিলনৰ প্ৰতিষ্ঠা দিৱস উদযাপনৰ ব্যাপক প্ৰস্তুতি চলাই থকা হৈছে।
ৰহা শাখা জ্যেষ্ঠ নাগৰিক সন্মিলনীৰ সভাপতি মনোৰমা ভুঞা আৰু সাধাৰণ সম্পাদক বিনোৱা ৰাজবংশীই জানিব দিয়া অনুসৰি ২৭জুনত পূবা ৯বজাত ৰহা শাখা জ্যেষ্ঠ নাগৰিক সন্মিলনৰ সভাপতি মনোৰমা ভুঞা ৰ দ্বাৰা পতাকা উওোলন, কাৰ্যকৰী সভাপতি যতীন্দ্ৰ কুমাৰ পাৰৈ বন্তি প্ৰজ্বলন আৰু উপ সভাপতি স্মৃতি তৰ্পন কৰি প্ৰতিষ্ঠা দিৱস ৰ শুভাৰম্ভ কৰাৰ পাছত দিনৰ ১০.৩০বজাত সভাপতি মনোৰমা ভুঞা ৰ সভাপতিত্বত অনুষ্ঠিত হব লগা মুকলি সভাত ৰহা শাখাৰ ডাইৰেক্টৰী ২০২৪ উন্মোচন কৰিব অসম জ্যেষ্ঠ নাগৰিক সন্মিলনৰ কাৰ্যকৰী সভাপতি বানেশ্বৰ খাউণ্ডই।
সভাত মুখ্য অতিথি ৰূপে অসম জ্যেষ্ঠ নাগৰিক সন্মিলন ৰ প্ৰধান সম্পাদক প্ৰসন্ন কুমাৰ বৰঠাকুৰ, বিশিষ্ট অতিথি ৰূপে নগাঁও জিলা জ্যেষ্ঠ নাগৰিক সন্মিলন ৰ সভাপতি প্ৰেমেশ্বৰ দাস আৰু নিদিষ্ট বক্তা ৰুপে সাধাৰণ সম্পাদক হেমোধৰ হাজৰিকা উপস্থিত থাকিব।
